副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

[懷孕記錄] 如何懷孕

[個人background]

[個人background] 結婚後一直被奶奶吹我地要生小朋友. 婚後大半年後, 我同老公都覺得好奇怪, 點解一直都無BB. 一直係度諗, 會唔會係因為我細個 大慨係大學時侯, 聽人講食避孕藥可以令皮膚靚D, 果時因為唔係用黎避孕, 所以係亂食.....每兩日先食一粒, 如是者, 都食左兩年...之後聽朋友講, 食得多對身體好差, 所以之後我都係唔敢食啦...而家諗番起都有少少後悔... 生得果兩粒暗倉就食呢D 藥, 當時仲睇埋皮膚專科添....=.=   [醫生教點做會易懷孕D] 之後睇銅鑼灣既徐醫生, 本身只係諗住做普通婦科檢查, 同佢好好傾, 就話左佢知我結婚半年都未有BB好奇怪, 佢就比左張紙我去記錄我每朝一起身開眼果下既體溫. 咁我就好乖乖咁買左支水銀探熱針. 每日一起身就叫老公幫我拿深熱針去洗, 我就係張床度等佢比支針我啦. 我太lazy 唔想同徐醫生比我張紙, 我改用"Period Tracker Period Calendar" 去check 住自己既體溫. 本身有用開呢個app 既原故, 所以, 其實個app 都己經話我知我幾時係"high chance" 去懷孕. 加上個體溫記錄, 我完全可以知道邊日行房係必中既.    [努力中] 第一個月試完 (2018年7月中) , 以為有BB.. 點知原來只係遲左2日 (2018年8月頭)... 好Sad sad, 咁唯有繼續努力啦.  之後反思下, 可能係因為行得太密, 所以我地就決定左, 今次只可以係2018年8月中果次排卵行房, 而果個月就只得果次 聽人講, 女性一定要有高潮先會懷孕, 所以我同老公都用哂所有方法, 令我有高潮, 仲要係2次添呀.. ;P   第二個月(2018年9月頭).. 又遲左2日, 心諗, 可能又係好似上次咁... 但都係好心急咁買左幾支驗孕棒, 連續兩日都係咁驗, 驗左3次. 次次都係1條半...... 上網睇, 通常都係中左... 超開心. 估唔到, 認真咁試左兩次係得嫁!!!!!   [搵醫生驗孕] 之後就即刻去搵番除醫生去驗孕啦. 本身以前一去醫生度驗孕係好特別既方法. 點知... 原來佢都係比番支驗孕棒你, 同我係屋企做既野係一樣... 佢見到有1條半, 就話我知我懷孕啦..... 之後佢問我記唔記得幾時行房, 我當然記得啦, 因為得果次, 就係係high chance 當晚啦....  之後除醫生睇左我個Period Calendar 佢好開心咁話, 呢個一定係仔黎既.. 我就好好奇咁問點解呀? 佢話因為當日我係最high chance 果次行房, 仲有2次高潮添. 所以一定係仔唔係女! 我覺得徐醫生都幾好運氣, 哈哈, 我見左佢2次咋麻, 就己經有左BB 啦.    [T21 / Nifty Pro] 徐醫生介紹左Nifty Pro 比我, 因為呢個係可以Check 到九十幾種既野, 需然我都唔知每一個係咩黎既. 但為左確保個BB 係健康, 我唔想等公立醫生啦. 都係係私家報左先啦. 最後埋單要8000蚊左右. (因為我有貓貓係度食, 所以驗埋弓型蟲, 貴左千幾蚊到啦)