副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

[懷孕記錄]  陪月及姐姐

[選擇陪月]

[選擇陪月] 所有朋友一聽到我有左BB, 第一時間同我講要即請陪月. 好友係我懷孕1個月, 即刻俾左Wendy 陪月電話我, 好友都好想請佢, 但佢懷孕2個月先搵佢, 所有請唔到. 我當然乖乖咁即打電話比Wendy, 心諗, 我咁早搵你, 一定得.  點知... 原來有個人, 請左Wendy 一做做半年.... 點解D 人咁有錢既? Wendy 就話可以介紹佢朋友比我, 咁好啦, 我就即刻約佢朋友見面, 睇下岩唔岩眼綠啦.   見到面都幾好傾, 個樣都唔錯. 但講野大聲左少少, 可能對方緊張啦. 原來8小時HKD26,000 , 24小時HKD48,000 (仲要得24日咁計, 星期日係要放假既) 上網做左D research, 發覺最少要請1個半月, 所以我頭一個月係24小時, 第二個月係8小時. 不過8小時好少, 因為陪月要去買餸, 番到黎幫你煮完兩餐都差唔多要走...所以, 個個朋友都話第一個月要24小時好D. 加上我媽媽及奶奶都住得唔近, 雖然有請工人姐姐, 但第一胎, 真係唔識. 請番個24小時陪月會好D.   網上好多人話陪月點唔好, 所以都係選擇相熟既好.  我係網上睇左好多陪月黑名單. 又見唔到我將會請果個陪月既名. 見佢態度都幾好, 又住得近既, 所以都唔浪費時間等啦. 不過我都hold 到我自己check 哂Nifty Pro 同埋個胎穩左先比訂金.  費時浪費錢呀麻. 本身佢tum 我叫我比左錢先, 落完訂, 如果真係4個月就無左, 可以比番錢我. 但我都係覺得, 等到4個月先比錢啦. 之後就比左total amount 既20%作為訂金.    [選擇工人姐姐] 之前都有請過工人, 印傭, 都唔錯.  好多朋友經驗, 直接去大品牌既顧傭中心, 通常難搵到好姐姐. 因為好既, 通常比哂D 熟客. 所以, 今次我都係搵番朋友D 親戚開既店去請姐姐. 之前用開果間, 話未有覺得岩我既姐姐. 因為我要求印尼人, 講廣東話, 靚樣 (五官正常), 好中意小朋友, 最好自己生過, 要中意貓貓既... 呢D 要求, 唔係個個都fit 到.  另一朋友既親戚果度咁岩就有一個, 我睇完佢既自我介紹video 之後, 費時又出現我想請, 但又比人搶左既情況. 我今次即刻比錢落訂, 唔等咁多. 因為好姐姐難求.  呢個姐姐既笑容超好, 個親和力好強, 應該係BB 喜歡既姐姐.=) 希望ok 啦!!!