副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

作小產驚魂 (8 weeks)

7 weeks 懷著小寶遊大板,返到香港竟然流啡

7 weeks 懷著小寶遊大板,返到香港竟然流啡 其實大板之旅嘅行程已經好hea,只係大板市內閒遊 但可能因為第2晚同胡生鬧大交,太激動 又夜瞓,瞓得又差,唔夠休息 然後第3、4日又行多咗,操勞得滯 導致第5日返到香港流啡   起初係啡色啫喱狀,我仲以為係分泌物 但到第二朝都仲有,今次唔係啫喱,而係啡色 我就好肯定自己流啡,之後同胡生講 佢話去醫院check下,我當時仲好冷淡咁答佢是但   當日係星期日,去到醫院急診室,分流區分咗我係超緊急人士 但因為急診室超多人,我哋等咗個半鐘先有得見醫生 期間,胡生好緊張,又上網、上討論區睇資料   醫生問症後,確定我係作小產 幫我做婦科檢查同照陰超 雖然係照陰超,但因為早期懷孕,都要尿急情況下先照到 而我見醫生前去咗兩次廁所,所以當時無得即刻照   醫生叫我飲啲水,可以照嘅時候再叫佢 飲咗水,隔咗陣,有料嚟,可以叫醫生 先做婦科檢查,然後再照陰照 其實我唔太明,我已經作小產,點解仲要伸舊嘢入陰道照?唔可以喺肚皮照咩?   醫生照到BB無事,仍有心跳 照完醫生出咗去同胡生講 而急診室姐姐嘅態度超差,喺咁二比咗幾張紙巾我 叫我抹返啲啫喱,然後就走咗   而醫生又唔知去咗邊,又無講底我哋走得定要等多陣 咁胡生就問頭先幫醫生手嗰位姐姐 點知姐姐西口西面,仲要當胡生透明,唔理佢 啲態度好到真係想講粗口   另一個護士見到胡生有疑問,上前解答 叫我哋坐一陣先,最後,醫生開咗4日病假同覆診紙比我就走得 之後我要自行預約覆診 自作小產驚魂後,胡生開始識得緊張 亦無怨言地幫我按摩同再分擔多啲家務