副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

9個月的窮奶媽生涯

方法就係手指公同食指成C字形, 係乳頭外大約2個手指位(不過我覺得每個人應該會有D 唔同, 因為我出得多奶時係無咁開的) 向下按再放開. 向下按果下係會有奶出既. 360度咁按晒D 奶奶出黎. 

因為小NEMO唔肯埋身飲, 所以只能做泵媽了. 同埋小NEMO出世後住左20日醫院, 人奶姑娘話無BB係身邊上奶都會無咁多. (不過去到6個月大佢又埋身啜下, 但我懷疑佢淨係啜, 唔係次次都飲清我D奶, 佢目的係想痴住我炸, 想攬住我訓教教...所以我越黎越少奶呀) 由生產完第4日開始有少少奶, 果下都幾開心. 有奶可以比BB 飲... 不過個量真係好少. 出院時姑娘教話要第2個月先可以用奶泵. 所以用手擠奶. 手擠奶真係好攰呀. 手指都痛呀. 方法就係手指公同食指成C字形, 係乳頭外大約2個手指位(不過我覺得每個人應該會有D 唔同, 因為我出得多奶時係無咁開的) 向下按再放開. 向下按果下係會有奶出既. 360度咁按晒D 奶奶出黎.  第一次按到咁多炸...   我就按左落個儲奶袋度. 3個鐘按一次, 手指勁痛. 我又打過去一D 熱線度問, 佢地好有耐性教我點手擠. 不過每個姑娘都教唔同既理論. 最終有個姑娘話手擠咁攰, 點成日都擠, 叫我用泵. 跟住真係好好多.起碼無手指痛先啦~ 不過要注意BB病房醫院係唔收袋裝人奶.. 一定要用儲奶瓶, 注意係無奶咀係頂果款啊.  同埋要用紙寫埋床號, 媽媽名, 泵奶日期時間及ML數用橡筋箍係個樽外面. 同埋醫院只收24小時內既奶. 過左24小時既奶佢地唔會比BB食架. 記得一泵左出黎既奶要放入雪櫃, 仲要MAKE SURE 唔會漏出黎. 拎去醫院時要用冰袋內面有冰種保持溫度呀. 如果唔係D奶變左就唔抵呀! 護士收奶時都會睇下有無漏, 凍唔凍同埋岩唔岩. 因為都怕D奶有問題, BB 已經唔好 , 要住院, 唔可以因為人奶令佢更嚴重架嘛. 不過.... 因為自己成日都出左去探女, 傍晚果段時間應該要泵2次. 但係我就去到醫院先泵一次比BB. 醫院有喇叭, 有奶樽有泵借用的. 不過我都帶自己消毒左既儲奶瓶黎儲奶. 梗係覺得醫院泵果次係多D 同埋好似會安全D咁. 唔怕D奶會出問題. 同埋半夜好多時都起唔到身泵奶... 所以一直唔係好上奶. 每次每邊泵30MINS, 一共都係得30ML. 成日都叫我努力, 但要叫我休息.. 講真, 要餵人奶就無得休息... 不過為左BB都值得架. 因為見到佢去大便都去得幾好.  初生BB 飲人奶D 便便會水D, 同埋差唔多每餐都有便便.  放產假既時候, 就泵每日次, 每次30MINS (雙泵). 返左工之後, 只係泵到4次. 出門口前 泵一次, LUNCH HOUR 泵一次, 放工泵一次, 返到屋企再泵一次. 公司無咩房, 所以只可以係倉既一個角整左個泵奶AREA, 用布圍住架炸, 所以我都會用餵奶巾圍一圍安全D, 外面會掛個牌比人睇到母乳時間. 我用左好多方法都唔係好多奶. 所以BB 要補奶粉. 同埋坐月其間飲左人參...係.. 人參, 收奶3寶之人,真係即刻收左奶... 停左先上返DD, 所以我係窮媽媽. 其實補奶粉都無咩問題. 自己心情都好重要. 所有事都要睇開D.. 唔好太緊張. 老公煲過黑豆水比我. 我覺得又好似幫到DD... 多5-10ML咁. 又試過其他上奶茶包.. 對於我黎講作用不太明顯, 但係幫到我飲多左野..  因為我平時飲好少水.. 飲有味既野就會飲多左.... 我最多都係一次有60ML 架炸... 但小NEMO 開始加固後2個月就開始越黎越少. 所以去到9個幾月就無人奶LU... 餵人奶既路真係一D 都唔易呀, 身邊既家人真係要好幫手同體諒.. 去街時又唔可以話行就行, 要PLAN 好時間泵奶. 又多野帶又多野要洗. 又多奶樽洗. 我好感激身邊既老公同埋媽媽一直支持我幫助我, 令我可以餵到9個月人奶.  我試過一小段時間係埋身餵, 呢個係同BB最親密既時間, 只有我們2個... 果種親切母愛既感受真係好特別.. 要掛泵果下, 真係有D唔捨得. 但係已經泵唔出奶... 只能接受現實. 而家小NEMO 一日飲2-3餐奶都係奶粉LU...  希望各位媽媽奶路神佳!  加油!