本身黎愉景新城係想睇戲，點知個仔唔肯睇話要去遊樂場玩⋯冇計！呢度實在太多野玩，小朋友樂園！ Donut Village就係免費遊樂場，北歐聖誕體驗館隔離 出邊仲有得玩鯨魚公園㗎！免費任玩！ 原來Donut Village開咗喇！ 見唔見到天花板有架火車路軌呀！真係識行㗎～！ 呢度打卡影相好靚！背景好豐富好多公仔！ Donut Village入邊除咗有啲鋪頭，仲有得免費玩切積木，玩具仔 見到有架巴士即刻衝埋去⋯ 原來係買冬甩 $20一個，士多啤梨冬甩 哈哈⋯一齊食冬甩啦～ 我突然好懶唔想行過去影⋯哈，坐低左張凳唔想郁⋯ 有幾部跑步遊戲機！小朋友跟著跑好搞笑！隔離仲有間韓剪，剪完變韓仔！ 仲有得玩救火遊戲！ 開放時間： 11:00am-2:00pm，3:00pm-9:00pm 格離有間親子餐廳 Dount Cafe～係出邊見到有得爬繩網、購物車、煮飯仔、生果蔬菜⋯小朋友已經心心眼 影片分享 Facebook: https://www.facebook.com/1028553953955138/posts/1492281337582395/ 準備入場喇～ 餐廳有4個開放時段： A·10:00-12:00 B·12:30-14:30 C·15:30-18:00 D·18:30-22:00 *B時段星期六日，公眾假期開12:30-15:00 最抵玩就係D時段啦！原本18:30-21:00，試業期間開到22:00 收費：大人最低消費$150，小童最低消費$100，手抱BB及不佔座位的免費（收費可叫餐牌食物，多除小補啦）另加一收費 *職員表示如果要坐BB椅就要收錢啦⋯ 入餐廳前要清潔雙手及消毒 原來沒有鞋架，要放喺地上面⋯ 後面有提供免費儲物櫃！ 呀仔等左好耐啦！一衝入去就玩煮飯仔！ 多組木製煮飯仔，仿真生果蔬菜～ 好多架購物車！唔使爭呀！ 木製錢牌～ 又係玩到熟曬嘅煮飯仔啦～ 仿真蔬菜生果～手感硬同重身的 Donut繩網~~~上面有個玻璃罩 可以爬想去睇風景㗎！ 捐山窿～ 有個吹氣彈床～ 爬上5層樓高～ 小帳幕～ 比BB玩嘅軟墊爬爬區⋯ 另外爬上一層有個玩巨型積木的地方 玩樂地方圍住用餐地方，大約有18張枱左右 坐位後面有多款遊戲板，枱面上面仲有電視睇！ 不同觸感遊戲板！用手模下好得意！ BB椅，同兒童餐具 啱啱有電視位睇卡通～ 廚房就係格離～ 叫左個卡邦尼意粉$118 原來有溫泉蛋，如果叫比小朋友食要叫佢分開上！意粉係鋸齒狀，好得意！個汁不錯！ 本身對親子餐廳食物無咩期望，但係估唔到呢個味道不錯！意粉有口感～賣相亦吸引 好味道！分量都多！ 我就叫左個菠蘿豬仔骨$168 肉骨容易分離，中間肉淋好味，側邊肉有啲硬同乾，菠蘿甜，整體不錯！ 洗手間就係入口處側邊，有膠施鞋或可以著返鞋去 冇分男女廁的，有3格親子廁所，入面係小童廁所，3歲小朋友未啱坐，如果有幼兒廁板同腳踏更好！ 有BB安全坐椅，洗手盆 出面都有洗手盆 另一邊係換片區 同有兩間哺乳室 有水機提供 餐牌可以參考一下：主打西餐～ 一大一小，今次消費$315，時段D，18:30-22:00,不過我哋玩左兩個鐘就走啦，事關冇瞓晏覺，小朋友太眼瞓頂唔順⋯哈～ 整體不錯～食物好食～食個晚餐又有野玩唔錯～ 收費：大人最低消費$150，小童最低消費$100，手抱BB及不佔座位的免費（收費可叫餐牌食物，多除小補啦）另加一收費 Donut Cafe 地址：愉景新城第一層Donut Village 訂座電話：26176773 —————————————