副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

泵媽的堅持

 

話說我薯BB出世幾日就用樽飲奶架喇, 因為開頭BB面黃而入院,  BB 入院飲奶奶明明係用杯, 不是用樽, 出院後竟然狂推開我, 傷心的我唯有泵奶落樽比佢   響醫院正式泵左我既第一次奶比佢, 估唔到咁就開始左我既泵媽人奶路!! 慢慢就知道自己可以泵到幾多奶 由1安開始.. 慢慢去到3安,  以為我會愈來愈多奶, 點知一去到3安就停左...... 好快我就唔可以比全人奶我bb..... 因為佢飲得愈來愈多, 但我既奶好多時就係得3安..... 開始係咁食d人地話會上奶既野都冇用,  (係有時飲完魚湯同埋晚上起唔到身泵奶就會爆樽..) 試埋power pumping 都冇咩功效,  係3安就3安... 果排真係好唔開心... 但係慢慢自己改變左心態,  雖然唔可以全人奶要補粉, 但係我可以比到佢有3安既抗體比到bb 所以我要堅持.....起碼到半歲都好丫..  就係咁既堅持我先冇放棄到我既人奶路 我好快就返工,  慶幸既係我公司可以比我泵到2次奶 咁我keep返4個鐘一次應該都冇咩大問題 雖然每日1袋2袋咁返工同放工 但係一諗到bb每日都可以食到我既奶奶我就會好堅持 希望bb得到最好既!!   雖然我奶量唔夠佢食足全人奶 但我每次見到佢食我既人奶我就會好幸福 希望bb每一日都食到我泵出泥既奶 宜家bb好健康好肥肥白白我就好心足了! 寶寶100天