副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

開party必備!無油炸雞翼!(12m+)

聖誕節又係開party既日子!

聖誕節又係開party既日子! 我地今日、聽日、後日都會開party~ 作為一個懶媽媽,又係發揮小宇宙既時間! 今次整一個超級簡易版既炸雞翼~   材料: 雞翼 8隻 生抽 1茶匙 糖 半茶匙 粟粉 2茶匙   一開始緊係要醃左雞翼先~ 將雞翼、生抽、糖放晒入袋就ok~ 我多數前一晚就醃定,或者大家最少都醃30分鐘!   都準備炸既時候就一邊預熱美的空氣炸鍋到200度,5分鐘既時候另一邊就加粟粉攪匀去啲雞翼到   預熱好就改返180度,8分鐘~   之後翻轉再炸多6-8分鐘,睇返夠金黃就ok!   真係簡單到爆炸 :p   如果無氣炸鍋既可以改用油炸,不過都要幾多油大,起碼要啲油浸到晒啲雞翼先得~ 想健康啲同方便啲既,都係選用氣炸鍋更好 :)   大家開party時都可以試下整!外脆內滑~ 其實都無乜放調味,所以去左皮後小朋友都啱食!   蠔豉妹妹雖然最後無行到blw,但作為雞翼控!宜家有時都可以用自己既方法食到! 佢直頭骨都咬得難之後吐出黎... 今日就食左2隻(走皮)~~ 蠔豉爸爸表示得8隻太少!下次要double :p   Facebook : 80後的人妻「旅」友  &  蠔豉妹妹之貓奴生活 Instagram : https://www.instagram.com/wingring 合作/邀稿 : wingring417@gmail.com / wingring@ymail.com