副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

如何選購嬰兒用品のSwaddle﹑包被﹑包巾﹑睡袋的重要性!

今次又等沙律媽媽分享下用家心得!

喺沙律B未出世之前,沙律媽媽已經物色左要買啲咩包被,包巾,睡袋等等嘅物品 尤其對初生嬰嚟講,包被同包巾真係好重要! 當時沙律媽媽 consolidate 左好多資料先決定買以下物件 大概一年前喺某blog已分享過,當時沙律B 9-10個月左右 宜家沙律B已經20個月,以下物件又有咩唔同呢? 今次又等沙律媽媽分享下用家心得!   非傳統睡袋系列︰HALO SwaddleSure + Sleepsack 沙律B 由出世至滿月,都係用 HALO SwaddleSure 真心講句 :好好用,真係好好用! HALO SwaddleSure 只有2個 sizes Newborn [6-12lbs] & S [13-16lbs] 其實除左出世至滿月著到,之後都無機會再著 因為BB一定唔俾你包到咁密! 同埋SwaddleSure一定要包埋手仔 所以沙律媽媽只買左一件,已經非常足夠! 基本上BB衫仔整污糟左都會即手洗 同時又好快乾番,一件都夠用,所以建議買NB碼 雖然好用,但都有缺點,就係換片時要撕開啲魔術貼 適用年齡︰初生至1-2個月 [睇下BB俾唔俾包手] 由於SwaddleSure只合初生時期著 沙律媽媽都買多左一個 HALO Sleepsack [S碼] 同樣都係得2個sizes,但就係2合1款,可包手可唔包 因為沙律B滿月後,己是夏天,瞓覺都唔需要睡袋 但一開始轉天氣,就開始要用睡袋,沙律媽媽選擇左Sleepsack 下圖係沙律B 大約4-5個月,都有包住瞓 雖然開頭掙扎,但掙扎過後,瞓得好安穩! 直至沙律B  9-10個月,就再無包過對手仔,當普通睡袋用 其實HALO產品有分 cotton 同 fleece 款 要因應BB出世嘅季節而選擇買邊款,又係要計數 另外,HALO有好多唔同款嘅睡袋,尺寸由NB都5歲都有 但唔同年齡,款式亦會唔同,都幾貼心! 同埋,拉鏈可以由腳仔位置拉上去,換片時會方便好多 同時,又唔使成件著左先換到片片 適用年齡︰1歲前都可以 包巾系到︰Aden+Anais Muslin Swaddle 除左 HALO ,Aden+Anais 又係沙律媽媽非常鐘意嘅牌子 連英國小王子 George 都係用佢! 除左 Prince George 有用 Aden+Anais 美國好多明星嘅 BB 都有用! 香港都有得賣,但貴到飛起!沙律媽媽個FB page已賣過百套 點解會咁多人用呢? 又有咩咁好呢?? 用過呢個牌子嘅媽咪都應該知道 呢個牌子嘅 Muslin Swaddle [大紗巾] 超好用! 佢有幾個 sizes,細size 好似係 70cm X 70cm, 大 size 就 112-120cm X 112-120cm 沙律媽媽 prefer 大 size,因為可以將BB包得好啲! 除此之外,Muslin Swaddle 透氣度高 物料又 soft,可以機洗,天可以捲到好細圈收入手袋 平時沙律媽媽同沙律B去街都會放一條係手袋 因為推車可用,用孭帶可以用,去健康院又可以用! 宜家沙律B已經20個月,推車依然會帶定一條 因為商場啲冷氣太大,簿簿地已經足夠 夏天喺屋企都用嚟當被用,真心一流! 因為BB唔知點解開冷氣瞓覺都會成身汗 沙律媽媽已prepared好多四重紗,六重紗被仔 但都太厚,用呢啲swaddle一流,因為再簿啲 適用年齡︰用途太廣,可以用到爛 傳統包被系列 除左HALO同Aden Anais 之外,沙律媽媽都有俾沙律B用傳統包被 最好買有帽果啲,基本上好多地方都搵到! 沙律媽媽當時都有家人留左2-3張,基本上都唔使買 另外,當年Friso join membership 可以免費送一張! 當時沙律媽媽有3張,因為去聽Friso talk 買野又送左 Friso 呢張連帽包被超級好用,冬天用就係超正 因為係珊瑚絨,勁暖,沙律B用到宜家都仲用緊 去旅行次次都有拎埋過去,但沙律B高左好多,開始覺得細左少少 適用年齡︰用途太廣,可以用到爛/太細   傳統睡袋系列 [包腳款] 除左以上提及嘅,沙律媽媽都買左幾個傳統睡袋。 唔做過媽咪都唔知原本睡袋都分好多種,仲要係用 TOG rating 分!  咩叫 TOG Rating ???  The tog rating or weight of a sleep bag determines its thickness and therefore how warm it keeps your child.  The higher the tog rating (weight), the warmer the sleep bag. 即係話TOG rating 愈高,就愈保暖!      TOG 究竟適合咩溫度?? 1.0 TOG:24-27度  1.7 TOG:21-24度  2.5 TOG:16-20度  3.5 TOG:12-15度 香港四季分明,夏天沙律媽媽都好少用睡袋,會用Aden+Anais大紗巾取代被仔 轉天氣時可以考慮HALO Sleepsack 但冬天最凍果幾日,真係要著TOG 2.5以上嘅睡袋先得 Aden+Anais 除左 muslin swaddle 好用之外 啲睡袋都唔錯,沙律媽媽都買左一張俾沙律B [包腳款] 厚度TOG2.5,適合14-20度嘅天氣,非常好用! 而且拉鏈可以向上拉,只露出腳仔換片片,好方便 但由於買左包腳款,只用左1個冬天就用唔番 因為沙律B已經識行,包腳款已經唔再合適 除左Aden+Anais睡袋,沙律嫲嫲喺英國 IKEA 買左一張 當時只需GBP13,好平,好厚,好好用!冬天用真係超保暖 香港曾經都有得賣,宜家唔知仲有無 [好似無左] 仲有,拉鏈只可以各下拉,即係換片片時要除埋上身先換到片 相比 Aden+Anais,IKEA 比都窄身少少!但都非常保暖 其實2件厚睡袋都已經足夠 適用年齡︰用到一歲左右,識企識行唔會再用   傳統睡袋系列 [不包腳款] 2017年果陣,沙律媽媽見到有羽絨睡袋,又買多左一張 日本 Sandesica 羽絨睡袋,唔係包腳款,可以著到幾歲 呢款羽絨睡袋入邊有層里,摸落去好似好凍,但著上身是暖的 2017年冬天著過幾次,因為覺得太大,同埋太厚 沙律B當時只識轉身 [面向床],未識再反轉 [面各天] 太鬆身都有相對危險性,所以都係用留以上兩件睡袋就算 今年 [2018],暫時未有機會再著,因為未開始凍 但其實開始凍時,己開Dyson暖風機,其實睡袋都唔需要太厚 今年2018年,沙律B已經20個月,唔可以再著包腳款 而又未去到著羽絨睡袋嘅地步,所以沙律媽媽又全部重新再買 其實沙律B不嬲都有著睡袋嘅習慣 因為沙律B踢被踢到傻左,唔用睡袋都驚佢攝親 所以夏天,沙律B著日本六重紗菇菇睡袋 [Link][Link] 我估好多媽媽都認識唸款睡袋,因為真係好好用 有分幼兒版都兒童版,真係可以著幾歲,雖然貴,但值! 但到左冬天,六重紗已經唔可以禦寒,所以沙律媽媽轉用珊瑚絨 沙律媽媽喺日本化買的,尺碼大概可以分3個碼 35x50cm,45x60cm,同埋50x70cm 沙律B己見20個月,著緊45x60cm,都太大 宜家就當睡袋著 [長度及膝],大啲就當衫著 真係可以著到幾歲, HK$200左右玩幾年 仲要係迪士尼款,日本直送,好抵著! 適用年齡︰可以用到爛/太細 傳統睡袋系列 [穿腳款] 好多包腳款睡袋都係玩一年貨仔,大到識行就要轉 如果唔用唔包腳款,亦都有穿腳款可以買 [Link] 沙律媽媽個代購page都有得賣,都有好多媽咪買 穿腳款碼數多數去5歲就無,但就最保暖,好似一張移動棉被一樣 有朋友嘅囡囡著到3-4歲都仲著緊,夜晚踼曬啲被都無所謂 但沙律媽媽無用呢款,用左珊瑚絨,因為可以玩幾年 珊瑚絨壞處係腳仔會凍 適用年齡︰睇尺碼而定 以上就係沙律媽媽幫沙律B準備嘅睡袋,包巾,包被! 應該足以用到幾歲!   嬰兒用品系列︰ 如何選購嬰兒用品の消耗品篇! 如何選購嬰兒用品の奶樽奶咀與配件篇! 好物&癈物分享︰ 精明買物媽媽系列の嬰幼兒好物分享 III 精明買物媽媽系列の嬰幼兒癈物分享 II 精明買物媽媽系列の嬰兒好物大分享 II 精明買物媽媽系列の嬰兒癈物大分享 I 精明買物媽媽系列の平靚正收納妙法! 精明買物媽媽系列の嬰兒好物大分享 I 旅行系列︰ 小腳板走天涯の18m布吉旅行應該帶啲咩?! 小腳板走天涯の如何選擇旅行地點,機票,酒店同其他事宜? 小腳板走天涯の10m台灣旅行應該帶啲咩! 自家製系列︰ 自家製系列の給寶寶最好的護理—自製天然健康湯水! 自家製系列の小兒天然止咳殺菌良方—燉紫洋蔥! 自家製系列の打一歲針前應該煲咩儲涼湯水?! 自家製系列の嬰兒都可以食嘅生日蛋糕—沙律B生日快樂! 教育系列︰ 教育系列のPlaygroup 有感! 教育系列のPN Interview 有感! 生產系列︰ 生產系列の早產嬰私院收唔收?生產費用又有咩唔同?! 其他忙碌日常︰ 加固系列の嬰兒可以食咩零食?! 健康系列の如何應付寶寶の便秘問題?! 暗藏細菌系列の選用沖涼玩具時要當心! 沙律媽媽的忙碌日常の湊B去街應該拎啲咩?! 純粹分享の在職媽媽補身恩物—老協珍熬雞精!!