副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

如何選購嬰兒用品の初嬰服飾篇!

 

之前沙律媽媽都有介紹過初嬰用品,大家都可以睇番舊文 消耗品篇,奶樽奶咀與配件篇,Swaddle﹑包被﹑包巾﹑睡袋の重要性 今次輪到初嬰服飾篇,亦都係好多新手媽媽會最多questioning之地方 如果有睇開沙律媽媽啲blogs嘅媽媽,都應該知道沙律媽媽有個代購網 而沙律媽媽都係個page認識左唔少新手媽媽,仲有好多交流 :) 當中亦都有好多新手媽媽問要準備幾多衫仔for初生BB 呢篇文,沙律媽媽好早已經寫完,宜家再重新post多次 沙律媽媽由2016年12月照完結構之後,真正變左瘋買媽媽 尤其是服飾方面!再加上年尾,周圍都大特價! 抱住買多件又平多啲嘅心態,終於都知咩叫不能抗拒之誘惑! 沙律B未出世,啲衫係已經買到 24mos 我估好少人會好似我咁瘋癲![宜家好多,但見平都會買] 直至目前,做左 20個幾月媽媽,我都有少少體會,究竟要幫初嬰準備咩服飾! 我記得懷孕時去聽過一個 talk,得知原來嬰兒皮膚比成人薄三分一 所以初嬰又怕凍又怕熱!有左呢個 "初嬰又怕凍又怕熱" 嘅 concept 加上之前做嘅 research,我都知要幫沙律B準備幾多!   底衫 [6-8件] 初嬰通常都係著長袖和尚袍,多數都係綁帶款同啪鈕款。當中又有分短身,長身,包臀款! 果陣未知沙律B 會早產,所以買左6-8件,加上和尚袍都係著到1個月左右,所以夠就算啦!   上圖係傳統和尚袍,綁帶短身款。基本上好多初生嬰都係著呢啲! 所以物料多數係 cotton,但坊間都有竹碳或 wool 款。但個人鐘意 cotton 多啲! 另外,一般初生嬰底衫車線位都係出邊!所以唔好以為反轉左。   上圖都係傳統和尚袍,但係綁帶長身款。 沙律媽媽當年喺千色店 [未出世時] 已經買左兩件俾沙律B,仲著到8-9個月 上圖係啪鈕包臀款和尚袍,Uniqlo 就最多,最細好似有50碼。 回想當時,沙律B咩款都齊曬!因為沙律媽媽係新手,唔識,咩都買啲! 本身買左2件啪鈕包臀款,2件綁帶包臀款,2件綁帶長身款,2件綁帶短身款。 因為早產關係,沙律B出左都再買多5件綁帶短身早產款 其實好多地方都可以買到,視乎平貴。以下就係我買衫俾沙律B嘅地方! 千色店,AEON,Uniqlo ,Mides [相對貴好多,但 quality好好]!     夾衣 Sleepsuit [5-6件] 有底衫,就唔少得面衫!初嬰面衫基本上都係夾衣為主!   上圖係最傳統嘅夾衣,都係有啪鈕款同拉鏈款! 沙律B頭3個月多數用啪鈕款,3個月後用拉鏈。 沙律B 啲夾衣大部分都係 Mothercare 買,有幾件係 Next,Baby GAP 同埋 Old Navy! 真心覺得 Mothercare 啲夾衣好好著,首先係啲料又厚又唔係太簿,4-5月著真係 prefect! 再者,佢有 premature,0-1 呢啲超細碼,真係早產恩物! 上圖就係 Mothercare 款,仲可以包埋手仔,連手套都唔使! 上圖係 Next 款,同 Mothercare 一樣,包埋手仔。但質地厚,size 大! 上圖係GAP款,無包埋手仔位,要著拳套。同埋 size 偏細! **拳套用到一個月可以唔用,聽聞用左拳套會影響手眼協調,所以用一個月算數!   包被 / Swaddle [3-4件] 通常初嬰著完底衫,面衫[即夾衣],就會包一張包被 [通常有帽] 坊間真係有好多包被,初嬰建議用有帽,因為驚佢地吹親頭仔! 上圖係3款唔同包被,如果唔係包得咁緊 可以用雅培送嘅熊仔腰封,幾好用! 上圖係美素牛牛被,又係非常好用,去健康院真係一流! 除左以上幾款傳統包被,沙律媽媽都買左一款非傳統Swaddle,真心好用! 上圖係 Halo SwaddleSure,超級超級好用![official website] Halo 係美國牌子,沙律媽媽上一篇有介紹過 [link]   上圖係4-step 著法,包埋手仔,同埋 adjustable。 仲有另一牌子,叩 Summer Infant,都有呢啲 Swaddle,但就唔陪 Halo 咁好用! 沙律媽媽真係 highly recommend! 上圖沙律B已經7-8個月,依然著緊 Halo Sleepsack。 可包手,可唔包手,同初嬰款 SwaddleSure 有少少唔同! 試用真係欲罷不能!真心推薦!! 除左服飾,仲有好多好多野要準備,沙律媽媽都忘記得7788! CONCLUSION: 1 - 底衫6-8件已經可以 [除非bb經常嘔奶同雨季],質地一般都用棉同竹 [bamboo] 2 - 面衫最好可以包腳仔包手仔,連拳套都慳埋! 3 - 偏細品牌:GAP, Old Navy, Ralph Lauren,Carter's  4 - 足碼品牌:Mothercare [某啲款都偏細],M&S,Uniqlo 5 - Swaddle 真心推介 Halo 品牌!   嬰兒用品系列︰ 如何選購嬰兒用品のSwaddle﹑包被﹑包巾﹑睡袋的重要性! 如何選購嬰兒用品の消耗品篇! 如何選購嬰兒用品の奶樽奶咀與配件篇! 好物&癈物分享︰ 精明買物媽媽系列の嬰幼兒好物分享 III 精明買物媽媽系列の嬰幼兒癈物分享 II 精明買物媽媽系列の嬰兒好物大分享 II 精明買物媽媽系列の嬰兒癈物大分享 I 精明買物媽媽系列の平靚正收納妙法! 精明買物媽媽系列の嬰兒好物大分享 I 旅行系列︰ 小腳板走天涯の18m布吉旅行應該帶啲咩?! 小腳板走天涯の如何選擇旅行地點,機票,酒店同其他事宜? 小腳板走天涯の10m台灣旅行應該帶啲咩! 自家製系列︰ 自家製系列の給寶寶最好的護理—自製天然健康湯水! 自家製系列の小兒天然止咳殺菌良方—燉紫洋蔥! 自家製系列の打一歲針前應該煲咩儲涼湯水?! 自家製系列の嬰兒都可以食嘅生日蛋糕—沙律B生日快樂! 教育系列︰ 教育系列のPlaygroup 有感! 教育系列のPN Interview 有感! 生產系列︰ 生產系列の早產嬰私院收唔收?生產費用又有咩唔同?! 其他忙碌日常︰ 加固系列の嬰兒可以食咩零食?! 健康系列の如何應付寶寶の便秘問題?! 暗藏細菌系列の選用沖涼玩具時要當心! 沙律媽媽的忙碌日常の湊B去街應該拎啲咩?! 純粹分享の在職媽媽補身恩物—老協珍熬雞精!!