副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

[親子好去處]科學園親子餐廳.超驚喜高質西餐!

嘩!呢間樹屋影相好靚呀!早兩日跑完親子跑,順便去埋呢間親子餐廳玩,一路比我感覺親子餐廳嘅食物質素都係一般,不過今次有驚喜!非常高質素西餐!老公都大贊~可以嘆住美食,小朋友又有得玩~大家都非常滿意呀~影

嘩!呢間樹屋影相好靚呀! 早兩日跑完親子跑,順便去埋呢間親子餐廳玩,一路比我感覺親子餐廳嘅食物質素都係一般,不過今次有驚喜!非常高質素西餐!老公都大贊~可以嘆住美食,小朋友又有得玩~大家都非常滿意呀~ 影片分享: 間木屋就喺戶外門口位置,沒有圍欄的~ 所以店主都有貼上溫馨提示,用餐顧客才可以享用設施啊~ 其實都啱嘅!希望大家自律~以確保有訂座小朋友有足夠空間玩樂~ 店員會為小朋友戴上手帶,以作識別係餐廳顧客~ 勁鍾意間木屋,唔肯落嚟⋯ 我地早一星期前打電話訂位的, 今日星期日,餐廳開11:30~ 我哋11點到咗,充氣彈床準備中~ 三角形攀爬石頭~ 小小sir滑梯~ 有個攤檔仔, 地下冇軟墊㗎!小朋友細嘅一定要睇住玩~ 充氣彈床仔~ 旋轉sir滑梯, 好得意!可以多個小朋友一齊玩~楂飛機~ 側邊就係條河~風景清幽舒適~ 不過當日有風,感覺有啲凍~ 戶外設施家長記得一定要睇住小朋友玩! 彈床質地本身較軟身的,唔夠實淨,感覺唔穩陣~ 當日我仔差啲喺sir滑梯上邊跌落黎!好彩我係側邊捉住咋⋯嚇死我⋯ 跟住入室內睇吓~ 空間寬闊~門口位就有一排煮飯仔~ 我仔最鍾意玩嘅煮飯仔! 就喺呢度玩咗成個下晝~哈哈 有得坐船仔喎~ 要捐落去搭船~ 地下都係冇軟墊㗎,幼兒要小心啲玩~ 另一邊有好多圖書,桌上小玩具~ 多組益智玩具~ 多款圖書 有車車,遊戲板 我哋就坐左呢個位置!非常方便~一路食嘢一路可以睇住小朋友玩!右手邊係開放式廚房添,見到廚師整pizza~ *記得要預早訂枱啊! 餐廳都好大好多位置,仲有另外一邊架我冇影相~我哋早左黎未有人,中午時間已經坐滿晒人啦!大部份顧客都係外籍人士~ 開餐啦!附送嘅餐包~超級好味! 外面微脆內軟!仲暖粒粒~食完一個仲想食多個架! 卡邦尼意粉$268 去西餐廳食嘢必點嘅菜式~好食! 個汁好香濃!好cream!意粉硬度適中! 芝士辣肉腸薄餅$288 薄身餅底,餅邊係脆身的~餡料豐富,番茄醬芝士同辣肉腸味道好夾!又好好味! 肉眼$368 薯角好香脆!有薯仔味~唔會太鹹! 有機蔬菜好香甜!肉眼扒配蘑菇醬~ 肉眼好肉嫩多汁!五成熟剛剛好! 老公大贊非常滿意! 有BB餐椅~小朋友都食得好開心! 最後梗係要食我最愛嘅甜品啦~ 芝士餅$148 老闆話自家製㗎!出邊買唔到! 就咁睇個賣相都非常吸引!隔離枱見到都話好正!哈 超好食!芝士好濃郁,好滑!好似食忌廉雪糕咁~帶少少肉桂香味!配埋Häagen-Dazs曲奇雪糕同埋果仁,味道非常之夾!中和返芝士蛋糕嘅甜膩感! 有加一服務費,兩大一小食咗$1180 餐廳使用係有機、無激素食材,所以價格相對較高~我哋今次叫嘅食物非常好食!食物質素非常高質!完全對得住個價錢! 老公都話值得~(好樂意去碌卡,哈哈) *餐廳設有最低消費每人$200 餐廳內仲有多款有機零食、食品售賣架 餐牌俾你地參考吓啦~ 仲有星期一至五午餐,價錢都唔算太貴呀! *所以我覺得嚟呢度係享受美食,有遊樂設施只係輔帶~同埋個人覺得遊戲設施比較適合較大小朋友玩,但我小朋友三歲都玩得好開心!因為地下沒有軟墊架,家長要看顧自己小朋友啦~ *沙田站B出口,沿着行去IKEA條路,落斜路會見到小巴站,搭27號小巴係科學園金蛋落車 ———————————— Meraviglia Bar E Ristorante 地址 : 沙田白石角香港科學園第二期科技大道西10號浚湖樓地下S041號舖 電話: 2210 7168 網址:https://www.meraviglia.hk/ 星期六日及公眾假期: 午餐11:30-14:30 下午茶15:00-17:00 晚餐17:30-22:00 星期一至五: 午餐12:00-15:00 下午茶15:00-17:00 晚餐17:30-22:00 ———————————— FACEBOOK PAGE: https://www.facebook.com/chochomamami/