副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【產後日記】你所不知道的「坐月」

坐月呢兩個字聽就聽得多,但原來同想像中咁大出入。.坐月淨係食同瞓?傻啦你!坐月唔洗起身餵奶咩?皆因bb兩、三個鐘就要食一次奶,你既生理時鐘將會變到無分晝夜。bb乖嘅話,餵完奶、掃完風、換完片、泵完奶、

坐月呢兩個字聽就聽得多,但原來同想像中咁大出入。 . 坐月淨係食同瞓? 傻啦你!坐月唔洗起身餵奶咩?皆因bb兩、三個鐘就要食一次奶,你既生理時鐘將會變到無分晝夜。bb乖嘅話,餵完奶、掃完風、換完片、泵完奶、洗完嘢或者你可以抖到個零兩個鐘嘅。bb扭計、嘔奶、唔知喊咩唔肯瞓另計,我試過比佢玩足半晚,姐total 6個鐘先肯瞓,然後3個鐘後佢又起身,人都癲。總知就24小時on call啦~所以,有人同自己輪更真喺好緊要。 . 坐月係女人第二個重生機會? 痴線,唔猝死都偷笑。長期唔夠瞓,傷口點會識好?舊患唔好,新傷係咁嚟,五勞七傷形容得好貼切。除非你好有錢啦,請到24小時陪月,咁你就淨係除咗泵奶咩都唔洗做喇,餵奶粉就更加唔洗煩添。話說媽媽谷有個媽媽就選擇咗去月子中心,所有嘢都有專人服侍,沖涼餵奶換片個啲就基本啦,媽媽仲可以選擇性做埋紥肚療程阿、修身阿,而bb就可以曬下太陽、做下按摩,聽到都疏乎,但當然,價錢都嚇死人,8,9萬一個月走唔甩。不過,重點係想住都未必有得你住阿,呢種月子中心淨係得台灣同大陸有,香港並沒有。 . 坐月可以日日喱係屋企? 天真如我真喺以為成個月無得出街會悶到發毛,生之前仲買定新書,dl定d劇嚟睇,點知,我係一粒字都無睇過。忙到無一刻停到落嚟,係真喺屎都唔得閒屙,一聽到bb喊聲就精神緊張,乜都縮啦。再者,有時間寜願恰下好過,長期缺乏睡眠,好驚暴斃。又講遠咗,其實坐月係要出街的,瘋狂健康院、醫院來回,媽阿,真喺好攰,如果係餵人奶仲攰,要計好哂時間、路線先可以出街。出街唔可以超過3個鐘,如果唔係就要帶埋個泵機阿、冰袋出街,十足十醫院病人插住條尿喉咁。出門口前確保bb食飽奶、自己泵好奶(好易石頭胸)、執好哂架生(凍熱水、紗巾、濕紙巾、尿片、奶粉back up、媽媽用品),一袋二袋,真喺一樣都不能少阿。 . 總括嚟講,呢篇野係想各位媽媽大肚時有定心理準備,d人成日話有得瞓好瞓喇,個時仲大安旨意,因為無經歷過其實真喺唔會想像到有幾恐怖。總之就盡量well prepare啦,雖然都無得點好好準備㗎喇,畢竟初生bb嘅生理時鐘都係咁,你話如果睡眠鐘數係可以累積嘅話有幾好?有需要嘅時候先拎番出嚟用,補番d energy。阿,仲有阿,買定1打康鈣c,一日啪一粒,做老母真喺唔可以病!! . Anyway聽講過咗頭三個月會好啲(希望係),我而家每日都催眠自己,仲有個幾月咋,捱埋去????????不過另一方面又唔想bb大得咁快,好enjoy佢而家呢個模樣,可以捧在手心裏錫嘅感覺。哎,真矛盾????????‍♀️ . Facebook: Mylittlesunson Instagram:littlesunson1120 Email:littlesunson1120@gmail.com