副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

10M爬行大賽

一直係FACEBOOK 都有留意一下有咩爬行大賽, 之前有想參加的, 但係小NEMO 又未識爬. 我地小NEMO 大約去到7個月先開始識爬少少. 每日係婆婆屋企, 係廳度整PLAY MAT 比佢爬, 有時用下玩具引下佢. 但係好多時婆婆都係放佢係PLAY MAT 度比佢自己係度玩. 初初佢係好懶, 唔願爬, 去到9個月大度先識得爬到一支箭咁...突然開始周圍爬黎爬去. 而家想同佢換衫換片真係好困難. 唔會停低比你乖乖同佢換衫換片. 而家10M 大, 咁岩見係FACEBOOK見到有爬行大賽便參加玩下.  岩岩1月5日星期6去左荃灣參加. 我地已經係當日既第46場賽事. 大家用既吸引物品都唔同, 有人用銀包, 有人用信用卡..公仔, 玩具等等,,, 咩都有... 每個BB 當埸反應都好唔同... 有D 會唔爬, 有D 一支箭就去到終點... 睇見人地參賽都好開心...  首先去到要找文件登記, 之後佢會要求我地家長貼返張大會貼紙係當眼地方比大會人員識別. 大會都有安排埸內有位置放BB車, 又有細椅子同細儲物箱比你用. 不過好細個. 唔夠放BACKPACK. 我地事但放埋一面. 不過都要小心, 大會係用條帶圍住, 好易比人偷野.  又有BACKDROP比大家影下相咁.  大會規定家長唔可以係個墊度跟住一齊爬, 可以有一個家長係終點度用任何方法去引佢去終點. 但係去到終點時, 一定要係自己果條賽道衝線.  我隻臭豬仔小NEMO, 試玩時, 好似好勁咁... 望住我想爬黎終點搵我. 但係到開始比賽時.... 佢係爬左去人地度同其他BB玩... 影響人地BB 爬爬,. 其中一個BB 已經勁快一枝箭咁衝過終點.  有D BB 唔肯爬, 原地坐係度.. 有D BB 會繼續爬去終點. 小NEMO 都好努力爬左去識朋友仔之後再爬返黎我度衝線.  最終我地係第3名, 又係尾3... 哈哈. 雖然無勝出參加決賽, 但係當天都好開心....  呢個都係一個好開心, 好特別既回憶.