沙律B 未出世，沙律媽媽已經將自己升級為瘋買媽媽！ 基本上見到咩都想買，尤其知道左沙律B性別之後，就更加慾罷不能！ 今次就分享下沙律B 嘅床上用品究竟包啲咩，同埋用左幾多錢！ 又係倒帶文章一篇，今日沙律B已經20.5個月啦！ Part I - 床架 + 床褥 床仔其實有平有貴，由幾百至到過萬都有。 最緊要自己有明確目標，知道自己要求！ 起初都去千色睇過，見到最多嘅就係 C-MAX， 佢有大床細床，但始終都買唔落手！ C-MAX 唔貴，千零蚊可以買到，仲包埋床褥！ 但我覺得好似唔多穩陣 [搖下搖下] 同埋國產，有少少擔心原材料問題 [利申﹕無歧視]！ 所以我都放棄佐 C-MAX 同國產床仔！ 開始專心搵外來牌子！ 當時喺千色見到 TROLL NICOLE，歐洲造， 用白樺實木，我已經將呢個牌子放入考慮list！ 價錢 HK$2,400 左右，但唔包床褥。 同牌子床褥大約 HK$1000，affordable，但未係最抵！ 所以我就去左 Jakewell 再睇睇。 佢地有個牌子叫 Combelle [60x120cm]，都係 HK$3,980！ 法國造，仲要送埋床褥，即時心心眼！ 所以我都將 TROLL NICOLE 忘記左！ 床架用實木造，有好多色，可以調較 4 個唔同高度。 床腳有車輪，同埋有安全鎖制，圍欄中間有3條可以拆。 當BB大左，床仔較到最低時，BB可以自己由圍欄上落床！   因為當時做緊 promotion，除左送床褥 [Coolmax 系列 HK$1,398] 仲有Jakewell 四重紗被[HK$168] 德國ROTHO造浴盆[HK$599]，床褥防水保護墊[HK$138] 除左送野之外，都可以加 HK$300 upgrade Tencel 雙面床褥 [勁舒服] 包安裝包送貨！ Link: https://jakewell.com.hk/ 總共 HK$4,280     Part II - 床單被舖 唔使多講，識得買床品，一定買12件套！ 仲要襯一田 / Aeon / 千色減價先好買！ 一田一年會有2次大型 sale，我果套 Casabalanca 買左 HK$469！ 我2016年10月買，宜家已然 over HK$500！ 12件套包括 [standard size，剛好 fit 到 60x120cm 床仔] 枕袋/枕芯2個/攬枕袋/攬枕芯/智慧被袋/厚被芯/簿被芯/床笠/床頭圍/床邊圍2個 除左12件套，沙律媽媽仲買多左幾套床笠，被袋同枕袋，因為會經常洗替換！ 沙律媽媽想要啲簡單啲嘅床品，所以買左 IKEA，plain 得嚟又易襯！ LEN 嬰兒床床笠 2 件套， [60x120cm]，應該最多人買，因為平，只係 HK$119.9！ HIMMELSK 3件套，被套[110x125cm]，枕袋[35x55cm]，床笠[60x120cm]，HK$199.9！ STJÄRNBILD 嬰兒被套枕袋套裝，被套[110x125cm]，枕袋[35x55cm]，HK$99.9！ 因為 IKEA 枕袋 size 同12件套唔同，所以要買多個，LEN 嬰兒枕頭 [35x55cm]，HK$39！ 因為奶奶長居英國，所以我果幾套全部喺英國買， 全部半價！！可以用到 3-4 歲！ 其實床頭圍同埋床邊圍都要買多套，沙律媽媽喺香港搵極都搵唔到！ 於是自己代購左套Disney Ariel俾沙牛B [70x120cm]，勁靚！ 但一啲都唔平，買多HK$250左右！ 但後來，有人搵沙律媽媽再買嘅時候，已經無曬嚕！ Link: http://www.ikea.com/hk/zh/catalog/categories/departments/childrens_ikea/18692/ 總共 ~HK$1,000   Part III - 防水隔尿床墊 左買床仔送果張 Candide Mattress Protector 沙律媽媽仲買多左 2 張西松屋 [70x120cm]！ 床墊尺寸同床褥咁大張，四角仲有橡筋定位 好好用，可以機洗，又唔驚整污糟床褥！ 係Facebook Shop 買，2張都係 HK$110，好難會用爛！ 又係果句，已經搵唔到呢個優惠！ 總共 ~HK$110 Part IV - 床鈴 當沙律B 大到 3 個月左右，就開始用床鈴 因為沙律B對聲音好 sensitive！ 香港買床鈴好貴，HK$500/個都見過 所以叫奶奶喺英國 Mothercare 買左一個，平好多！ 好似GBP20已經有一個 但係呢個床鈴太長，加上床仔仲較到好高。 所以沙律媽媽都收埋左，等大少少先用番！ 果段期間，沙律媽媽開始玩代購，買左另一個床鈴俾沙律B。 Itsy Bitsy Baby，澳洲品牌，可能大家唔太熟悉，但佢啲產品幾得意！ 呢個龜龜床鈴當時 on sale，真係好平好平。 由澳洲運番香港，都係 HK$160 左右！ 但唔係成日特價，宜家已經買唔到咁平！ 見佢減到咁平，所以都買埋同一系列床笠 [60x120cm]，只係 HK$70 ！ 都係果句，特價唔係成日有，就算有，都未必有今次咁平！！ **因為今次買左好多，放左係 charlottenmom page 賣，出奇地好賣:) 出奇地，沙律B 超鐘意龜龜系列！我估呢 3-4 年都唔使再買床啊品！ Link: https://www.facebook.com/charlottenmom/ 總共 ~HK$430   Part IV - 防踢被夾 開初沙律媽媽覺得無需要買防踢被夾 因為未湊過B，唔知 BB 咁叻踼被！哈哈！ 不過沙律媽媽係一個咩都要買定嘅人 同埋防踢被夾除左床仔可以用，BB 車同孭帶都可以用！ 但又唔想買日本卡通款，因為太貴，一對差不多 HK$100！ 所以就淘寶，一對盛惠 RMB6，兩對仲要包 local 運費。 沙律媽媽一口氣買左 4 對，沙律B 張床已用左 2 對，用完完全踼唔到被！ 但大到8-9個月，就開始識踢。 被夾可以固定被仔位置，非常安全！瞓覺都安心好多！   Link: https://world.taobao.com/item/42553639879.htm?fromSite=main&spm=a1z09.2.0.0.2ed6e797zwY0mR&_u=t7c910jefc1 總共 ~HK$60   Part V - 床尾掛袋 呢2個袋仔真係買得好好，掛係床尾放尿片，放2個剛剛好！ 因為間房唔大，放完張床仔已經無曬位放一大包尿片 加上尿片個packing 好污糟，用呢2個袋仔就可以解決好多問題！ Link: https://world.taobao.com/item/545888636157.htm?fromSite=main&spm=a1z09.2.0.0.2ed6e797zwY0mR&_u=t7c910j7cf4 總共 ~HK$50 床品大致上就係咁多，大概用左HK$6,000左右！   嬰兒用品系列︰ 如何選購嬰兒用品の初嬰服飾篇！ 如何選購嬰兒用品のSwaddle﹑包被﹑包巾﹑睡袋的重要性！ 如何選購嬰兒用品の消耗品篇！ 如何選購嬰兒用品の奶樽奶咀與配件篇！ 好物&癈物分享︰ 精明買物媽媽系列の嬰幼兒好物分享 III 精明買物媽媽系列の嬰幼兒癈物分享 II 精明買物媽媽系列の嬰兒好物大分享 II 精明買物媽媽系列の嬰兒癈物大分享 I 精明買物媽媽系列の平靚正收納妙法！ 精明買物媽媽系列の嬰兒好物大分享 I 旅行系列︰ 小腳板走天涯の18m布吉旅行應該帶啲咩？！ 小腳板走天涯の如何選擇旅行地點，機票，酒店同其他事宜？ 小腳板走天涯の10m台灣旅行應該帶啲咩！ 自家製系列︰ 自家製系列の給寶寶最好的護理—自製天然健康湯水！ 自家製系列の小兒天然止咳殺菌良方—燉紫洋蔥！ 自家製系列の打一歲針前應該煲咩儲涼湯水？！ 自家製系列の嬰兒都可以食嘅生日蛋糕—沙律B生日快樂！ 教育系列︰ 教育系列のPlaygroup 有感！ 教育系列のPN Interview 有感！ 生產系列︰ 生產系列の30分鐘生產過程+老公陪產的重要性！ 生產系列の早產嬰私院收唔收？生產費用又有咩唔同？！ 其他忙碌日常︰ 加固系列の嬰兒可以食咩零食？！ 健康系列の如何應付寶寶の便秘問題？！ 暗藏細菌系列の選用沖涼玩具時要當心！ 沙律媽媽的忙碌日常の湊B去街應該拎啲咩？！ 純粹分享の在職媽媽補身恩物—老協珍熬雞精！！