生完bb之後即刻有個重要嘅任務就係坐月 正所謂“坐月坐得好，哩世冇煩惱“ 本身我自己就有屋企人幫手坐月就無請陪月員 但係我哋對坐月嘅飲食就唔係好清楚 好彩ubaby就有一個6日上門月子餐煮服務 就岩曬我啦，因為一出院返到屋企一定會手忙腳亂 所以頭幾日有人幫手煮飯可以減輕好多功夫 每日餐廚都會親自上門製作月子餐，每日嘅餸都係即日新鮮購買! 餐廚會提前了解你既飲食習慣，體質， 從而製定適合嘅餐單。 我係順產， 懷孕期間好熱氣生咗好多暗瘡， 餐廚幫我煮啲清熱滋補嘅菜式， 另外由於我一直都未上奶所以都要求餐廚煲上奶湯。 餐廚會每日十點到達，一次過準備早午晚三餐，炒米茶，糖水，湯 我既餐廚星姐，仲好細心好愛整潔 ，每樣要用既野都會用滾水沖過，每次煮好都會擺返好所有用具同清潔好廚房。 而星姐每日準備既食物都好有水準， 食物唔油膩， 但又唔會淡茂茂，而且營養豐富， 照顧到餵哺母乳嘅媽咪。 每日都會將餐單send畀我確認下一日嘅食物 以防萬一有啲咩你唔食嘅 每日準備嘅代茶都係用煲嘅方法，飲起上嚟比起用焗嘅入味好多，而且每日都有唔同嘅配搭，例如：無花果，陳皮， 杞子，紅棗嘅炒米茶， 唔使飲到口寡寡。 因為我餵人奶，成日都會肚餓，所以就有埋糖水做下午茶就perfect喇! 唔使洗，唔使煮，又有得食，總括嚟講呢月子餐嘅服務真係好方便，而且價格比起請一個陪月真係平好多。 如果你都考慮緊月子餐嘅服務都可以上佢哋嘅網站睇下： http://www.ubabygroup.com/?section=Parenting_guidance&id=316   facebook : facebook.com/ladybosstoby Instagram : ladybosstoby 電郵 : tobycmakeup@gmail.com