由第一次照超聲波開始，由拎左第一張超聲波圖開始… 沙律媽媽已經話俾自己聽﹕我要學識睇超聲波圖！ 結果，沙律媽媽真係識睇！！！ 首先要知懷孕週期點計 ，因為未懷過孕真係唔知點計！ 從醫學上規定，以最後一次月經嘅第一天起計算預產期。 其整個孕期共為280天。 10個妊娠月，每個妊娠月為28天，7天為1周。 最後一次月經嘅第一天 = 0W0D！ 去到0W6D之後，會轉1W0D，如此類推！ 2016年9月19日 驗到懷孕，同月21日第一次真正照超聲波，即6W1D！ 當時醫生講左胎兒有心跳，size正常，沙律媽媽就拎住張超聲波片走人！ 2016年10月3日 經醫生朋友介紹左另一個婦產科醫生，第二次照超聲波 [7W6D]。 照完，醫生又係果句﹕有心跳，size正常！我又拎住張超聲波片走人！ 但醫生補左一句﹕因為胎兒太細，超聲波片只顯示周數同身長，過多2次會照其他野！ 於是，沙律媽媽就自己自學睇圖，因為醫生講左等於無講！ 左圖 [懷孕周數 7W6D]，胎兒身長 CRL1.24cm，GA 7W5D！ 右圖 [懷孕周數12W6D]，胎兒身長 CRL7.5cm，GA 13W3D！ 如果唔識睇既人，真係會好亂，因為 7W6D 去照，超聲波又話GA7W5D，究竟咩意思? 當時沙律媽媽都唔識睇，後來搵左好多資料，宜家識睇 ，叻叻豬呀！ CRL = Crwon-rump Length = 頭臂長度 = 即係胎兒整體長度！ GA = Gestation Age =胎齡 = 即係胎兒根據身長而計算出嘅年齡，可能同懷孕周數有少少出入！   直至去到第16周產檢，醫生話已經唔照身長，會照頭圍，腹圍，大腿長度等等。 上圖照於 2016年11月30日，當時懷孕周數 16W1D，超聲波片上高出現左一埋野！ 其實可以分 4 組野黎睇，因為胎兒大到 15-16 周開始，身長已好難完全反映生長情況！   第一組﹕ BPD = Bi-parietal Diameter = 雙頂骨間之直徑 = 3.38cm 普通人一定唔知3.38cm係未屬於正常範圍，所以要用GA [之前解釋過]去check！ GA = 16W2D，我照果日懷孕周數 16W1D，即相差1日，都屬於正常範圍，唔使擔心！   第二組﹕ HC = Head Circumference = 頭圍 = 12.11cm GA 顯示16W1D，同懷孕周數 16W1D完全一樣，非常好！   第三組﹕[因為資料係英文來源，沙律媽媽都唔係好識翻譯，但相信大家都會明] AC = Abdominal Circumference = 腹圍 = 10.30cm GA 顯示16W0D，同懷孕周數 16W1D 都係相差1日，都屬於正常範圍！ HC/AC =頭圍/腹圍 = 1.18 [呢過比率通常過用於15周以上嘅胎兒] **胎兒小於36W，比率大概1:1！ **胎兒大於36W，比率會跌，因為 AC [腹圍] 會上升！ **比率可以幫助 differentiate Symmetric IUGR, Asymmetric IUGR，同埋胎兒正常比例！ ** Symmetric IUGR: ratio is normal！ ** Asymmetric IUGR: ratio increase as the head size is maintain at the expenses of AC [Brain-sparing effect]   第四組﹕[主要睇比例] FL = Fumer Length = 大腿骨長度 = 2.09cm，GA16W4D，比懷孕周數多3日，長腿！ EFW = Estimated Fetus Weight = 預計胎兒重要，懷孕後期好重要，因為睇到胎兒肥唔肥 ！ FL/AC =大腿骨長度/腹圍 = 20.26%  [正常範圍係22+/-2% 之間，24周後比例會穩定] ！ **當比率falls into <20% 或>24%，唔可以用AC去計算GA **比率>24% = Growth Retardation = 生長遲緩 **比率< 20% = Marcosomia = 巨嬰  FL/BPD = 大腿骨長度/雙頂骨間之直徑= 61.73%  [正常範圍係79+/-8% 之間] **Increase Ratio = Microcephaly = 小頭畸形 **Decrease Ratio = Large Head = 大頭症 FL/HC = 大腿骨長度/頭圍= 17.22%  [正常範圍係22.4+/-1.7之間] **由21周開始，比例應該係22%左右 **比率睇得出Asymmetric IUGR  **比率高於23.5%，suggest IUGR [23.7 +/-1.4] **IUGR定義胎兒體重在平均的10個百分比以下，原因可能媽媽營養不良，胎盤臍帶功能不好，媽媽有妊娠高血壓，或者子癲前症等等。 上圖係沙律媽最後一張照超聲波相，當日係 34W1D，所有野都正常，但偏細粒。 醫生話順產最好就係呢個 size，沙律除左腿長啲啲，其他都係細懷孕周數幾日。 估唔到 35W3D 出世果日依然係4.9lbs.... ！！ 沙律媽媽當時用左好長時間去研究，但胎兒頭頭啲比例未穩定，真係好亂。 所以沙律媽媽一早已經紀錄低每次產檢嘅 result，方便 monitor 胎兒生長。 頭2版會係一個 overview，內文會記低每次產檢內容，政府+私家！ 呢個 PPT 沙律媽媽自已整嘅，好可惜，個file無左。 可想而知，沙律媽媽當時幾得閒！   建議各位準媽媽一周一相去記錄低奇妙過程。   嬰兒用品系列︰ 如何選購嬰兒用品の床品篇！ 如何選購嬰兒用品の初嬰服飾篇！ 如何選購嬰兒用品のSwaddle﹑包被﹑包巾﹑睡袋的重要性！ 如何選購嬰兒用品の消耗品篇！ 如何選購嬰兒用品の奶樽奶咀與配件篇！ 好物&癈物分享︰ 精明買物媽媽系列の嬰幼兒好物分享 III 精明買物媽媽系列の嬰幼兒癈物分享 II 精明買物媽媽系列の嬰兒好物大分享 II 精明買物媽媽系列の嬰兒癈物大分享 I 精明買物媽媽系列の平靚正收納妙法！ 精明買物媽媽系列の嬰兒好物大分享 I 旅行系列︰ 小腳板走天涯の18m布吉旅行應該帶啲咩？！ 小腳板走天涯の如何選擇旅行地點，機票，酒店同其他事宜？ 小腳板走天涯の10m台灣旅行應該帶啲咩！ 自家製系列︰ 自家製系列の給寶寶最好的護理—自製天然健康湯水！ 自家製系列の小兒天然止咳殺菌良方—燉紫洋蔥！ 自家製系列の打一歲針前應該煲咩儲涼湯水？！ 自家製系列の嬰兒都可以食嘅生日蛋糕—沙律B生日快樂！ 教育系列︰ 教育系列のPlaygroup 有感！ 教育系列のPN Interview 有感！ 生產系列︰ 生產系列の30分鐘生產過程+老公陪產的重要性！ 生產系列の早產嬰私院收唔收？生產費用又有咩唔同？！ 陀B系列︰ 陀B日誌の公院私院產檢大不同！ 其他忙碌日常︰ 加固系列の嬰兒可以食咩零食？！ 健康系列の如何應付寶寶の便秘問題？！ 暗藏細菌系列の選用沖涼玩具時要當心！ 沙律媽媽的忙碌日常の湊B去街應該拎啲咩？！ 純粹分享の在職媽媽補身恩物—老協珍熬雞精！！