由於太懶同埋覺得BB一舊飯咁, 出世以來都無幫BB去影樓影相.  諗住到佢一歲先影Cake Crush, 報晒價一般黎講$2xxx-$3xxx包10-12張相左右.  但好擔心陳大少唔比面到時一張相都無. 見媽媽group有人share團購影新年相$699半小時包所有相底, 見平平D比7個月大既陳大少試下肯唔肯影相   團購內容:  - 半小時拍攝+所有相底 - 包家庭合照 - 有新年衫供拍攝   拍攝日期: 19/JAN/2019 地點: 觀塘Studio Studio目測有600尺左右, 有4個迷你場境 (新年/日本/梳化/懷舊)+好多玩具公仔 衫: 其實都唔少衫, 但當然係女生為主, 男仔都係個D羅...生仔既媽就會明白 拍攝當天會叫你早15分鍾揀衫, 為左陳大少有精神影相, 專登約食奶後即影 問左負責人可以早半小時到餵左奶先 食飽飽就比大少係鏡前Warm Up, 心情唔錯, 仲成日偷望人地影相 由於驚D衫唔啱心水, 所以第一套係自備既, 但Studio好暖, 件衫好厚差D熱死大少 簡單紅色梳化報置, 影出黎效果都唔錯! 佢好鍾意食柑, 所以一見到就好開心 好食到流晒口水 呆樣 我地自己仲帶埋新年衫影全家福, 但成家都係大汗人, 未影已經熱死, 超錯!haha   第2個係櫻花場境, Studio有日本衫同浴衣可以選擇 跟住就轉左去影梳化影家庭合照! 由於大少好肉地, 攝影師太太建議著D露肉衫, 由於無咩衫揀同埋大少唔鍾意換衫, 我地就直接脫晒影啦!!HAHA 唔駛著衫, 大少應該影得最舒服! 最後攝影師提議影張Casual相, 我乎就幫佢換返自己衫 帶返頂帽同眼鏡 估唔到效果好正 雖然大少本人唔鍾意! 總括黎講, 半小時係忙過不停, 一影完就即刻換衫, 完全無時間諗 所以如果有想影既就一定要一早諗好晒咩衫同境, 一開始左影其實唔會有時間再諗  式者好似我地係咩都無所謂就由攝影師話事, 出黎又有驚喜   半小時影完就即刻會抄相比你, 我地一共有成三百幾張, 因為陳大少都幾合作 攝影師係不停拍既, 所以當中一定有模糊, 有唔對焦既相, 但當中我地揀到好多靚相 $699黎講我覺得係超值, 最係要係即時有相 以上既相我完全無執過, 因為太懶haha   更多分享 Facebook: https://www.facebook.com/kaden.hk Instagram: https://www.instagram.com/kaden.hk