副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

陪月篇: 究竟應唔應該請?請又要考慮咩?

究竟應唔應請陪月?

究竟應唔應請陪月? 作為過來人, 我覺得除非真係經濟唔許可, 我建議 一定要請!!!!尤其是新手媽媽   作為新手媽媽, 婆婆會全職幫手湊B, 婆婆仲好有心報左陪月課程黎讀. 本來係可以唔請陪月, 但上網睇過好多媽媽分享, 加上又唔想婆婆辛苦, 所以就請左個朋友既朋友介紹既陪月. 估唔到呢個決定係好正確! 連婆婆自己都話好在有請陪月, HAHA, 仲話原來上堂學同陪月真係做既都差好遠, 有D野根本無教過.   如果有公公婆婆老爺奶奶咁仲駛唔駛請? 首先你要衡量一下四位長老會唔會可以每星期6日每日都可以9點就黎照顧你一日三餐飲食湯水, 包括買野煮野洗碗所有野做晒? 你可能會話自己都可以做下既, 唔駛佢地做晒…但查實你本人介仲要洗衫抹地湊B,夜晚仲要無得訓…. 所以都係個句, 負擔得起就唔好慳 同埋你唔好預同四位大人無磨擦, 我同自己阿媽係有陪月既情況下都可以有好多磨擦!   我朋友就有四大長老幫手, 但兩個月後四老反左面, 因為婆婆同個女投訢奶奶, 奶奶又不滿同仔投訢, 最終不歡而散大家話唔再見面   陪月每日做D咩? 其實陪月每日都幾忙, 但未至於會做唔停既, 每日工作如下: 9:00-9:30   買餸 9:30-11:00 入屋會即刻換衫洗野煲湯洗奶樽等 (BB未詶佢又會幫手湊左佢訓先) 11:00-12:00 餵奶 + 幫BB清潔 12:00-13:30 準備午餐 + Lunch (佢會湊BB比我食野先)     13:30-14:30 洗碗 + 準備下晚餐材料/ 有時會煲薑水比我洗腳 14:30-16:00 幫BB沖涼 + 餵奶 + 湊BB訓覺 16:00-17:00 洗奶樽+洗衫+整理BB用品 另外陪月仲會陪我去健康院, 朋友黎又會準備薑醋等等   其實有陪月既時候我確實除左食同泵奶之外咩都唔駛理, 而陪月亦完全唔比我幫手, 叫我休息 HAHA 所以每日我主要係朝早泵奶+訓覺, 因為夜晚真係訓2-3個鐘 婆婆都好舒服, 主要觀摩陪月點做同埋有時協助下陪月. 同埋夜晚陪月收工婆婆要煮晚餐我就湊B, 半夜就我同婆婆輪更, 因為初生B你預左佢每2-3個鐘要飲奶同喊, 雖然話輪更, 但其實同一間屋佢喊大家都會醒左, 所以朝早有陪月就一齊休息下.  對於作為新手媽媽既我, 陪月做既野我全部都唔識, 所以對我好有用, 而佢亦有好多育兒資訊比到我. 好似佢之前既媽媽用個過邊隻cream好用, 邊個奶樽好D, BB去唔到大大佢又有辦法即刻幫到BB大便, 沖涼時BB完全好享受等等. 當然呢D野可能2胎媽媽已經識晒.   點揀陪月? 如果陪月唔好, 請左可能衰過無請, 因為見到媽媽Group都有媽媽分享陪月唔好, 如整到廚房好亂清潔得唔好, 買餸好貴騙錢又無單, 成日玩電話, 返工遲到早走…等等 所以最好請有人用過介紹既會好D, 起碼太差既都唔會有人介紹. 我就好好彩朋友既朋友介紹左個唔錯既陪月, 價錢又合理, 基本上佢完全無停手, 清潔廚房仲乾淨過婆婆hahah 就算有時間無野做佢都會搵野做(執下BB衫櫃等), 我叫佢休息下佢都好少休息. 煮野食又慳, 會買到好平但新鮮既食材, 煮野食就正常, 因為好難會有人十全十美, 我比較著重照顧BB個Part, 食我自己就比較隨意. 所以一過左3個月就快D請定陪月啦, 我後尾介紹我陪月比同事同朋友基本上佢都FULL左接唔到.   見陪月最好要問下: -  佢一日既工作流程 (有D星級陪月講明要有工人幫手, 佢只會點工人煮野同洗碗) -  陪唔陪去健康院?  -  照顧過幾多小朋友 -  有咩要準備比佢用  -  開刀同順產煮既野有咩唔同? -  小朋友用咩cream好? 沖涼液? <呢類問題主要睇下佢有無經驗, 當然唔一定要跟佢講既買 -  話佢聽你有咩要求 <我同陪月講我唔跟傳統既, 我一定要洗頭沖涼同出街, 咁陪月話佢會話我知要注意既事, 唔跟唔緊要, 最緊要自己開心 (因為有媽媽Group媽媽話陪月好專橫, 唔聽人意見 另外都要考慮同住人既感受, 因為我返娘家坐月, 其實公公唔慣多左個外人陪月係屋企. 但好在我住得近, 所以日頭會叫公公去我屋企等佢有D私人空間, 唔係屋企又細, 又多左我+BB再加陪月其實都好迫.  希望以上資訊幫到大家啦!   更多分享 Facebook: https://www.facebook.com/kaden.hk Instagram: https://www.instagram.com/kaden.hk     2019大阪櫻花之旅 出門旅行必備三寶 BB溫泉初體驗-大阪空庭溫泉 [大阪親子遊-万博記念公園] [大阪親子酒店推薦]   育兒篇 在職媽媽加固之路BLW vs 粥仔 濕疹媽媽最愛保濕用品分享 陪月篇: 究竟應唔應該請?請又要考慮咩? 生仔篇: 公立定私家? 豬隊友最易激嬲媽咪既說話! 四間Playgroup試堂分享 肉腳都啱著既學步鞋 快靚正學生相介紹!   玩樂購物篇 唔駛排隊唔駛聽講座都有禮物送既媽媽會 團購寫真信唔信得過? [G-market Playmat 購物篇] [荔枝角大樹先生 - 初體驗]