副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【21個月大】戒奶嘴經驗分享!(上篇)

 

     記得Timtam仔初生時,媽媽朋友曾經勸喻我不要比奶嘴,話食就容易,要戒就難! 我自己其實抱開放態度,因為我自己細個都有食,唔覺得有太大問題!我自己亦上網搵過資料,話初生BB口腔透過吸啜呢個動作,可以得到安全感!吸啜奶嘴可以安撫BB情緒,令佢地更容易安睡! 直至過左Timtam仔滿月,佢開始有啜手指的習慣,考慮到衛生問題,我寧願佢食奶嘴好過食手指!所以就由果時開始,奶嘴就成為了Timtam仔訓覺時的必需品! 不過,我同爸爸都覺得,奶嘴唔怕食,但就唔好長時間食,所以只有Timtam仔訓覺時間先會拎出黎用,平日係唔比佢食! 至此以後,只要仔仔開始有睡意,佢都會有意識地叫我地比奶嘴佢,啜啜下佢好快訓著!我地一直沒有概念要幾時要戒! 直到Timtam仔大約18個月大,發覺佢食奶嘴時不再是「啜」,而係「咬」,覺得佢已經不需要奶嘴得到安全感,我覺得係時候可以進行戒奶嘴行動! 媽媽我都算係佛系媽媽,好多事都係隨心而行,雖有戒奶嘴計劃,但就遲遲未行動,直到Timtam仔21個月大,我發現仔仔其中一個奶嘴比佢咬爛左,我本來唸住掉左去就算!點知記起朋友幫個女戒奶嘴方法,我決定用呢個機會去執行戒奶嘴行動! 我搵把鉸剪,拎住個奶嘴同仔仔講: 我: BB大個仔,唔洗食奶嘴喇!我地不如剪左去掉去垃圾桶,好唔好? Timtam仔: 點點頭… 我手起刀落剪左個嘴頭!仔仔摸一摸奶嘴,攤開手表示冇左! 我: BB大個仔唔食奶嘴喇!奶嘴都爛左冇得食喇!我地宜家掉左去好唔好? Timtam仔:拎左個奶嘴掉左落垃圾桶,頭也不回! 我讚佢叻叻!佢自己仲笑住拍哂手! 點估到左當晚臨訓覺時,佢就喊住要奶嘴,我提醒佢奶嘴比佢掉左,冇得食喇! 佢收左聲點頭表示記得,之後係床典黎典去,終於成功自己訓左! 以為咁容量就革命成功?開心得太早喇! 第二晚,仔仔扮失憶,臨訓時爆喊要奶嘴,點講點氹都唔得,見佢喊得咁淒涼,媽媽我一時心軟,就搵左另一個奶嘴比佢食喇! 本來唸住行動失敗,過一排先再試過!點知就過左兩日,我同爸爸出左去食飯,當晚返到屋企Timtam仔已經訓左覺!奶奶話Timtam仔唔小心整跌左個奶嘴落街,搵唔到第二個奶嘴比佢,最終佢自己訓左! 打左好長篇,下集再續!想即刻知道我地戒奶嘴革命有沒有成功?可以去呢度睇左先 - Timtam仔的成長日誌    更多分享: -【韓國日本親子遊】同歳半BB搭飛機10個小Tips - 同BB講道理,真係聽得明? -【朋友故事】幾多對…持續愛到幾多歲? -【產後抑鬱】準媽媽一定要有的心理準備 -【女人語】做足這五點,贏得奶奶心!     歡迎邀稿/出席活動:Timtamfamily@gmail.com 駐站Blogger :  #Esdlife 靚太club #媽咪幫 Yahoo親子 #BK Milk #PressLogic 親子日常# ubaby Magazine #Beauty Exchange  ~*~*~*~*~*~*~*~*~*~*~*~*~*~*~*~*~*~