只要有媽媽推薦過好用既濕疹藥膏我都會試過, 所以都想同大家分享返有咩藥膏好用. 同埋搵對既醫生都好重要!由於陳皮爸有濕疹, 一早有心理準備陳皮有濕疹.     PatPat 膏 陳皮全身最無問題既地方就係PATPAT, 出世到依家都只用過下面呢兩隻, 我會隔住搽, 如果有紅就厚搽Vaseline, 去唔到大又會搽D係邊位都有幫助!   保濕篇 陳皮平時唔算好嚴重, 但佢會成日抓面抓頭, 抓到損晒流血, 初初我以為所有BB都慣性抓面抓頭, 只有勤力D幫佢補濕同帶手套, 後尾睇醫生先知原來佢真係好痕看會抓到咁….. 瑞士寶寶 瑞士寶寶係朋友介紹, 我覺得Protecting Oil最好用, 尤其是陳皮有頭泥, 沖涼前搽完按摩頭仔先沖涼可以去頭泥, 冬天當按摩油用又夠潤 Protection Balm就好油, 搽薄薄一層都OK 但基本上我覺得瑞士寶寶保濕為主, 沒有修護成份, 紅晒先用就效果唔明顯   California Baby 呢支係我本來打算買瑞士打寶寶, 但買錯左加洲寶寶 但呢支都算夠潤, 我後期用搽身多, 但用完唔會再買   馬油,QV, Mama & Kids 上圖由左起介紹 細罐既係日本買既馬油, 非常潤, 乾到有裂紋既時候我會厚搽, 好好用 QV 其實我初初都覺得好好用, 佢無其他牌子咁油, 我覺得啱夏天用 Mama & Kids 係HKTV Mall訂既, 上網見人介紹好用就買左, 310ML要$468, 但暫時覺得最好用, 除左後期醫生開既, 我應該都會繼續用呢款. https://www.hktvmall.com/hktv/en/main/Big-Buy-Baby/s/S6031001/Mother-&-Baby/Mother-&-Baby/Skincare/Lotion-&-Skin-Ointment/Lotion/Baby-Milky-Cream-310g/p/S6031001_S_MKS_baby_milky_cream_310g   修復系列 上面介紹既主要係保濕用, 紅左/出瘆先搽就太遲. 如果紅/損我暫時試過兩隻, 我覺得其實2支都差不多, 唔嚴重的話搽2-3次會有改善, 不過如果只keep一枝我會揀B5, 但太嚴重可能揀返醫生開既會好D.    普通醫生篇   陳皮暫時試過2次濕疹好嚴重, 由於屋企樓下有出名睇皮膚既醫生, 所以一急就帶左佢睇, 兩次都係開返同一種類固醇潤膚比我搽, 咁一搽完紅/損既位會好好多, 但抓頭抓面既情況完全無改善. 第1 次睇既時候大約4個月左右, 佢就話係胎毒, 抓頭抓面係咩bb正常行為, 大d就唔會…我就係咁信錯左佢 第2次6個月睇佢就話係濕疹, 又係個句bb大d就唔會抓面抓頭, 問佢關唔關食左雞蛋敏感事又話都有可能架, 等佢大d先再食羅   專科醫生篇 陳皮7個月大都仲係晚晚抓頭抓到損晒, 後來朋友介紹去左睇專科先叫做正式改善左抓面抓頭既問題! 朋友介紹既專科醫生好細心咁逐一個檢查每一個出疹部位, 同普通醫生差太遠啦, 就算第一次睇普通醫生都係求奇望下就當望左, 專科醫生係左手睇完連右手都要睇埋出疹位係唔係左右對稱等等….. 睇左一次用左醫生既膏就好返好多好多啦! 連抓面抓頭既問題都少左好多, 唔駛再擔心夜晚訓醒又有幾多條血痕. 我後尾發現醫生開既其中一支Atopiclair屈臣氏都有得買, 呢支係無顃固醇一日搽患處3次,  沖涼個支我都搵到香港有代理, 但我未用完未買住. 但由於睇一次都幾貴, 我暫時只係睇左一次, 但呢D錢真係洗得好值. 同埋個醫生都唔介意成支藥膏比你, 等你自己可以再配返.  另外紅色個支顃固醇藥膏, 醫生叫用1比10既分量mix白色罐油cream每日搽一次     另外醫生其他建議如下: -  其實開得比BB用既顃固醇藥膏份量好少係唔會影響皮膚, 小朋友痕抓損後有細菌感染仲危險過顃固醇 -  唔好未好返就急不及待停顃固醇, 一定要完全好晒先停, 有少少紅都唔可以停, 因為紅係代表皮膚發炎中 -  BB抓面抓頭唔一定大D就唔會, 根本佢係好痕先咁做 -  食物醫生話佢本人唔會建議戒口, 因為BB試多D唔同既食物, 少少敏感試多幾次好大機會身體會接受返, 但嚴重敏感當然例外! -  環境反而比食物重要, 可以既話盡量唔好有毛公仔狗仔貓仔, 但隔唔中同狗仔貓仔又唔大問題既 -  注意清潔, 最好每星期換床單枕頭袋 -  底衫一定要100%全棉, 呢個我一直著開法國Petit Bateau底衫, 所有陳皮身體都無咩疹, 主要係面紅為主     不過個個BB皮膚都唔一樣, 陳皮用既未必一定適合其他BB, 但如果好嚴重都係睇返專科好D, 始終又痕又痛BB都好辛苦 下次再分享埋沖涼液同衫仔篇!  由於好多媽媽問沖涼液，補埋沖涼篇係度： https://www.facebook.com/521316751658971/posts/637352480055397?sfns=mo 送上一張7個月大既陳皮白淨近照!     Follow me: https://www.instagram.com/kaden.hk/ Mamibuy: https://mamibuy.com.hk/home/15941/   2019大阪櫻花之旅 出門旅行必備三寶 大阪親子酒店推薦 BB溫泉初體驗-大阪空庭溫泉 ［大阪親子遊-万博記念公園］   育兒篇 在職媽媽加固之路BLW vs 粥仔 濕疹媽媽最愛保濕用品分享 陪月篇: 究竟應唔應該請?請又要考慮咩? 生仔篇: 公立定私家? 豬隊友最易激嬲媽咪既說話! 四間Playgroup試堂分享   玩樂購物篇 唔駛排隊唔駛聽講座都有禮物送既媽媽會 團購寫真信唔信得過? [G-market Playmat 購物篇] [荔枝角大樹先生 - 初體驗]