副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

在職媽媽既人奶路真係唔簡單

係2018年既9月, 我既鵝子終於出世, 懷孕前已經有決心要行人奶路, 仲想最少都要餵到1歲

係2018年既9月, 我既鵝子終於出世, 懷孕前已經有決心要行人奶路, 仲想最少都要餵到1歲 但係開始左之後, 基本上每隔兩日就同老公講一次想放棄, 但係永遠講完都係繼續埋頭苦幹地泵奶, 雖然我既人奶路只係行左5個月, 但係我都想分享一下我既經歷.   鵝子出世前, 其實周不時都有乳汁分泌出黎, 正是所謂既黃金初乳, 當時我係到諗: 咁易就有乳汁, 人奶路無難度啦~ 依家回想起自己講過既說話, 真係想時光倒留咁同自己講:唔好傻啦你 鵝子出世後, 由於我係順產, 我只係住左兩晚就出院了, 兩日裡我都係不斷地埋身餵, 自己亦都夠乳汁分泌, 但鵝子體重都係不斷下降未達到出院指標, 只係姑娘放行好心俾我早小小回家但出院後要即將去健康院報到, 檢查鵝子體重. 出院後7日, 由於鵝子體重將跌近10%基本上每日都要去健康院覆診, 我當時覺得好唔明白, 點解有奶水分泌但鵝子體重仍然下降呢? 原來醫生發現鵝子吸啜時唔能夠吸啜成個乳暈, 所以食唔到奶而體重下降, 唯有泵奶可以令到鵝子食到人奶, 但為左解決燃眉之急, 鵝子都食左3-4日既水奶去提升體重, 而我既全泵媽媽路就係咁開始了.   坐月期間, 我既上奶情況唔算話好好, 一開始每泵有30ml, 基本上一日都儲唔到一包奶, 每日都係日日清, 當時仲好擔心要到番工既時候再儲唔到奶就要離開人奶路, 有個朋友教{ 我要相信自己對奶 } 就憑依說話, 我亦都係我番工前儲到鵝子一日需要既奶量而安心地番工, 每日放工就帶住一包包既奶番黎同時間都帶住一副好疲倦既身驅番黎 由於太攰, 每日要泵4次既奶, 因為懶惰變左泵3次, 由250-300ml一泵, 變成50-100ml泵, 我既懶同攰已經超越左怕變石頭胸同塞奶, 只要懶泵奶, 無論當時食或飲幾多既上奶湯都係唔會有幫助, 個刻雪櫃既奶亦都只係淨餘最後一包, 我開始知道我再唔勤力, 我就要同人奶路講再見...... 於是我的起心肝開始5泵既生活! 讀書都無咁勤力, 凌晨時分爬起身繼續泵, 雖然只係泵得10-20ml, 都要泵落去!!! 因為係自己既原因先會無奶, 所以決定努力多次,  5泵左3日, 奶量終於去番180-200ml一泵, 我既惰性又出現, 回復番4泵既生活,  依家既奶量對比以前黎講, 的確係少左, 但奶依家對我黎講, 唔需要多, 夠食就好, 其實依件事只係發生係上個月, 所以感覺都仲好歷歷在目, 無咩事我番出去泵奶先啦, 加油啊咁多位選擇行人奶路既媽媽, 相信自己對奶!!!     當時鵝子仲係瘦猛猛, 出世7.35磅, 跌至差唔多6.5磅, 要靠水奶提升體重. 上個月5泵既追奶的成積 飲人奶既寶寶都可以係肥寶寶黎架