副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【包媽孕記】籌備BB首個派對 Baby Shower公布性別

第一次見到棒棒2條線永世難忘,其實知道BB性別嘅一刻都記憶猶新

第一次見到棒棒2條線永世難忘,其實知道BB性別嘅一刻都記憶猶新 由於包媽有去做Nifty Pro,12周就已經知道包包性別啦,透過電話由診所姑娘告知驚喜欠奉,當晚就準備小驚喜話俾老公知,仲拍埋片影低佢第一個反應&有咩說話同包包講哈哈 至於朋友們我地就一直守口如瓶,大家不停套口風點都唔講,因為我地一早諗住幫包包舉行人生首個party --- Baby Shower,同大家分享喜悅。 更多分享請Follow FB Page雲妮手札 https://www.facebook.com/winnie810corner/ 由於包媽孕吐真係極度嚴重,去到18周都仲會日嘔15次……Baby Shower日子亦一改再改,最終選擇孕期去到一半即20周前一日舉行,地點就喺包包屋企,9個大人3個小朋友一個小型聚會形式舉行。 睇報導明星搞嘅Baby Shower都美輪美奐,Deco 媲美小型婚宴一樣,我地就行簡單溫馨路線,多謝小K媽媽幸福傳承影相道具& Boy or Girl拉繩,Party前一日由包爸負責佈置 包媽電腦自行拚貼嘅Party Poster,喺淘寶買幾個It's a Boy/ Girl嘅粉紅粉藍汽球,加埋一條「Mom to be」肩帶就夠啦~~簡簡單單影出嚟效果都唔錯呀=) 食物方面由於party時間係夜晚,都預埋大家食dinner要飽肚少少,影相好靚嘅cupcake、cakepop就唔買啦,加上有幾個已加固嘅小朋友,喺印尼餐廳外賣買咗D糕點、海南雞、黃薑飯、印尼炒飯、豉油雞翼,再自己整少量食物,男士們都話夠晒飽捧住個肚走呀~ 最緊要當然唔少得一個靚靚Gender Cake性別蛋糕啦﹗本身包媽真係有諗過自己動手整,但體力上真係負荷唔到,唯有上網物色啦。有晒造型嘅糖皮蛋糕靚就靚,但有小朋友好似太甜唔多適合,Butter Cream/擠花普遍價位比較高過千蚊,人少少又好似貴咗啲。 好在最終喺IG搵到呢間Cake Shop,可以就人數口味talior made,顏色住我揀,幫我諗埋點樣加BB元素,知道多小朋友仲問使唔使少甜,最緊要係,舖頭喺觀塘居然肯免費喺荃灣線交收,正呀﹗ 交收時一見到個蛋糕,包爸包媽都嗌咗出嚟:「好靚呀﹗」 切蛋糕環節,朋友仔連環幫我地不停影哈哈﹗ 仲要好睇又好食,勁多生果唔會太甜,色素唔太多,大人小朋友都食得好開心~ 睇到蛋糕內部顏色就知道,包包is a Boy~大個可以跟爸爸去踢波波啦﹗ 如果覺得有用的話,留言同我講聲加油或者留個腳印,我就已經好開心啦 =) ***************************************************** 包媽雲妮有多重身份:新手孕媽,娛樂小編,主播,活動主持…… 邀稿│出席/主持活動│試用│試玩 歡迎inbox FB PAGE雲妮手札 聯絡 更多分享 請follow Instagram : Winnie810hung FB Page: 雲妮手札 https://www.facebook.com/winnie810corner/