副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

求位信

報咗幾間學校,見咗幾間,苦等大約半個月先知結果

報咗幾間學校,見咗幾間,苦等大約半個月先知結果 等嘅時候,做媽嘅心情真係會胡思亂想 當收到第一個結果時,waiting 人都癲 好多人都會討論電腦打定手寫 親身交定郵寄,甚至話要捕獲校長,親手交,親手收 各人有各選擇 但我自己覺得誠意做到當然好,但內容先最實際 一面試完,我就不斷蒐集各位分享 Copy and paste 但針桔到埋身,就好想將封信執到最靚仔,令人留下好印象 當自己要寫時先發現自己太大意,無留意清楚間學校有總校長,校長同副校長 後悔太遲。。。 內容方面我寫咗幾段,但不論幾多段,我都控制喺一頁紙內 (小秘密:由於字多,我唔係用A4白紙,用F4單行紙,感覺多字起嚟都唔太過分咁) 第一段:簡單講述小朋友名,編號,幾時面試,備取生,希望排隊為正取生 (人人咁寫,無乜特別) 第二段:講下點解喜歡間學校,有去過開放日,簡介會就提及番當時感受同體會 第三段:提及自己同學校教育理念一致,大部份資料學校網頁都有,修飾下,用自己語句表達,教會學校,盡可能引金句 第四段:細B有個著數,內容裡面可以話年紀細,但其實性格係點,同學校教學模式好夾,從而話係學校教育下,深信小朋友將來會點 第五段:再次提及任何時候有空缺,都會成為 貴校學校,希望校長賜機會,留底聯絡資料 最後我會加上生活照,回郵信封,有Pre-school評估嘅話,而評估有利,我亦會加埋 至於生活照,我會加描述,例如旅行照,唔係就咁話日本旅行四日三夜,我會改話眼睛看世界 (當然最好嘅形容可以用到學校重視發展嘅字眼) 另外我會放家庭照,唔係只限於一家三四口,而係有埋爺爺,嫲嫲,公公,婆婆,以顯示家庭樂 除此之外,我會引述埋當時小朋友係幾大,例如1歲X日,以顯示自己了解,重視小朋友每個成長 申請七間,見五間,當中四間waiting,一間Reject 手寫一間Waiting,一間Reject,email一間waiting 手寫兩間都有回音 全部都係收到結果後第二日就交求位信 全部都親身交,但無交到校長手 曾經見過有媽媽用學校宣傳單張,剪咗套校服出嚟,然後貼自己小朋友落去,再寫埋「我想做XX幼稚園學生」 聽聞係Work,我亦有諗過,不過太遲,無Keep任何單張喺手 希望小小分享,有緣又有需要嘅家長睇到,願各位順利,成功 我唔知道我咁做係咪一定成功,但如果諗唔到方法,應該試下又無壞。