副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【親子好去處】MCL長沙灣戲院 時光倒流睇平戲

全新戲院開張,仲要開正喺屋企附近,真係冇得頂呀!仲要平到$45蚊一張飛,直程冇得輸呀!

全新戲院開張,仲要開正喺屋企附近,真係冇得頂呀!仲要平到$45蚊一張飛,直程冇得輸呀!     是日哥哥9歲生日,又得知屋企附近開咗間新戲院,仲要時光倒流用番20年前舊價錢$45蚊一張飛,所以早幾日前就諗住上網買定飛,不過非會員網上訂飛又要每張俾多$10手續費,所以我就行落街去戲院直接買。     【MCL長沙灣戲院】     地址:長沙灣道680號G/F, G56及G58-59號舖麗新商業中心   電話:(852) 3153 2808   真係發夢價$45蚊呀!抵到好想晚晚搵套戲睇。     由於咁抵睇,差唔多每套戲所有場次都幾乎爆滿。     在戲院門口就放置咗幾部大電視喺度播放住Trailer。     亦有自助售票機     戲院大玩工業風設計,夠哂型格。4個影廳合共提供418個座位,座位行距寬敞,有充足空間感。全部影院均設置4K數碼投影設備、杜比7.1數碼環迴立體聲音響系統及Bowers & Wilkins專業Hi-Fi級揚聲器,提供優質視聽享受。(文字from港生活)     唔單只睇戲平,就連汽水爆谷都一樣咁平。         咁大包爆谷都只係$22。     爆谷多到場戲睇完都未食哂。     今晚我哋睇嘅係《魔法保姆》,套戲好好睇好正面。我哋睇嘅係影院1,話大一定唔大,但話細亦唔太細,有好多坐墊提供,椅背都好舒服,雖然係4K配7.1,但畫面始終係細咗D,聲就略為冇咁環迴。     Photo by iPhone 8 Plus   想跟我去體驗其他活動,快D報名親子團,同埋留意專頁公佈詳情啦! http://goo.gl/forms/CNZMEPoMIWkouK8o2   呀劍評分: 10分   呀劍評語: 請希望呢個優惠期可以無限期延長!   (以上資料更新至文章當日)     Facebook專頁: 呀劍萬帥 kimfamilytravel   Blog網誌 : www.kimfamilytravel.com