副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

帶BB一定要食快餐??其實仲有好多選擇

帶住BB一定要食快餐?

帶住BB一定要食快餐? 帶住BB一定無啖好食? 8月個大既陳皮已經挑戰過幾次自助餐, 1次火鍋同兩次辣雞 基本上都好順暢, 無大叫無大喊. 可能有人會問做咩帶BB去食野, 佢又唔食得....  但唔去街唔通日日係屋企咩? 陳皮又細仲未去得公園, 帶佢行商場咁我地都要食野架....總不能日日mcdonald咁可憐   最佳餐廳: 茶樓  如果同一大班人飲茶其實非常好! 茶樓又夠嘈, 唔怕陳皮嘈親人    有梳化位既地方 BB椅好D定梳化位好D? 一定係梳化 因為就算陳皮比面, BB椅最多只可以坐到20分鍾 梳化可以企下又坐下, 訓埋都仲得haha ^BB椅加埋火燒菠蘿表演最多都只可以坐20分鐘 ^有梳化訓左又可以放低佢, 不過記住加返張換片墊   有電視/窗既位置 雖然睇電視係唔啱, 但有電視個餐真係方便好多!!haha 窗就更加開心, 佢睇得健康我又食得開心 ^獨佔大電視, 陳皮應該可以坐一晚 ^睇到唔想走   BB有份食既餐廳 由於陳皮係有行BLW, 所以有白飯佢就有份食, 幾粒幾粒比佢食下 打邊爐個次我地仲叫埋清水湯底比牛肉佢咬下   下午茶時間 雖然陳皮算乖, 但為免影響人 好多時候我地都揀下午荼時間 最緊要係人少D可以揀位坐 加上陳皮3點幾食奶, 我地食完佢又可以食埋先走 重點係下午茶又平D, 食飽D一餐=兩餐, 夜晚食少少野就搞掂.    有音樂既餐廳 食左兩次韓燒有kpop聽, 陳皮都好似好開心! (應該唔關音樂事haha) 但有音樂比無音樂好, 因為陳皮叫都無咁覺眼, 人地最多以為佢唱歌   因為小朋友遲早都要陪大人食飯, 一齊出街食可以培養佢既耐性 同埋考驗下大人既應變能力!haha 我依家已經練到一手抱住陳皮一手食野都無問題!     更多分享 Facebook: https://www.facebook.com/kaden.hk Instagram: https://www.instagram.com/kaden.hk 濕疹媽媽最愛保濕用品分享 團購寫真信唔信得過? 生仔篇: 公立定私家?