副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【包媽孕記】荷花BB展出發前準備 5大攻略分享

身邊嘅孕媽經常分享至抵情報,邊間樓上舖至抵,邊間藥房尿片平,呢個星期最觸目嘅,當然係半年一次嘅 荷花BB展﹗

身邊嘅孕媽經常分享至抵情報,邊間樓上舖至抵,邊間藥房尿片平,呢個星期最觸目嘅,當然係半年一次嘅 荷花BB展﹗ 今年近500個參展商,開門行到關門都未必可以逐個Booth行晒,上年8月嗰轉入場幫朋友買嘢,包爸見到人潮都嚇到呆咗:「好似仲多人過書展﹗」 想喺場內邊睇邊格價基本上無咩可能,包媽已經做咗一堆功課,少少個人心得分享, 1. LIST OUT目標貨品     好多朋友仔第一次去BB展,諗住包羅萬有去到先睇下買咩,但其實人多BOOTH多之下,係好難一時三刻分析兼下決定要買咩,更甚者買落好多原來已有嘅貨品,咁就慳錢變浪費啦。 包媽就LIST咗想睇消毒噴霧、BB疫苗、揹帶、藻油丸、有機BB衫、環保尿片、百日宴,每樣都有不同品牌,最好事先睇下心水牌子大約價格   2. Print 展覽地圖 主辦單位一早上載是次bb展地圖   就咁拎住地圖都唔夠,頭先第一點提大家要搵定心水想買嘅嘢,仲有心水牌子,可以喺網上查返相關booth number,喺地圖上圈起要去嘅booth,睇下點樣行最順路 更多分享 請follow FB Page: 雲妮手札 https://www.facebook.com/winnie810corner/ 3. 必買會場coupon book     其實各個參展商都事先於facebook上載部分優惠,有啲事先網上登記會有禮物。但大家無時間提早逐間check都無問題,入場時買本$20 coupon book,裡面有數以百張優惠券,大家去到唔同booth見到人龍,搵定對應coupon出嚟就可以換禮物。 例如老協珍 可以換一包滴雞精(限100名)、 ClubOne 禮物包仲有張7折卡﹗根據過往經驗仲有妊娠紋膏、孕婦維他命、炒米茶等等,真係換兩三樣已經回本~   4. 列印個人資料LABLE 如同第3點提及買COUPON BOOK,好多時展商會要求順便填資料入會,做埋會員先有禮物,為咗唔使好似小朋友咁罰炒,前人教落記得PRINT定一堆個人資料LABLE,或印喺紙上面拎定釘書機,每去一個BOOTH釘一張咁就快捷方便啦﹗ 資料包括:姓名、地址、電話、EMAIL、BB預產期、性別等 ***如果大家唔想到處留個人資料,咁就唔需要準備啦,揀啲只要出示COUPON或LIKE FB就拎到禮物嘅BOOTH啦~ 5. 撳定CASH & 開通電子付款 今日提起要撳幾多錢入會場,好多朋友第一個反應係:簽卡咪得囉﹗如果大家只去大型參展商攤位買嘢,的確係帶信用卡就可以。但場內其實有好多係樓上BB舖,貨品包羅萬有但未必有卡機。剛剛CHECK過有2間心水BOOTH都寫明「記得帶備足夠現金(會場只收現金/微支付/Payme/轉數快) 」 有用開PAYME都唔好大安旨意,要記得每年只限10萬,分分鐘BB展第一日都未完攤位已經爆額,最好開通埋轉數快,再撳定三幾千蚊喺身就萬無一失啦﹗ 5點小分享,希望幫到大家行得輕鬆,買得盡興啦=) 2月荷花BB展 地址:香港會議展覽中心 Hall 3B - E 開放時間: 2月22-23日 10:00am - 9:00pm 2月24日 10:00am - 7:30pm 如果覺得有用的話,留言同我講聲加油或者留個腳印,我就已經好開心啦 =) ***************************************************** 包媽雲妮有多重身份:新手孕媽,娛樂小編,主播,活動主持…… 邀稿│出席/主持活動│試用│試玩 歡迎inbox FB PAGE雲妮手札 聯絡 更多分享 請follow Instagram : Winnie810hung FB Page: 雲妮手札 https://www.facebook.com/winnie810corner/