副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

由全職媽媽轉為在職媽媽有感

上星期開始由Full Time Mom轉返為Working Mom 一個星期已經身心疲累 真係好似日日做到無停手 雖然文一一係擺係奶奶到有工人照顧 但食方面始終唔會假手於人 亦都可以話信唔過人 一一既午餐晚餐都係全權由我自己負責返 早上搞掂就擺保溫瓶 下午茶就饅頭+生果 放工就即返去接仔再返屋企煮晚飯 煮緊中途再準備第二日午餐既材料 煮完食完再幫佢沖涼 再自己沖涼 之後陪佢玩一陣再埋身再哄佢訓覺 當佢真係訓著既期候 其實已經係晚上11點 先可以 #MeTime 一陣 你以為我真係可以休息? 咪傻啦????No No No..... 一到12-1點左右開始 佢既夜奶模式正式啟動 可以每隔30分鐘至1個半鐘不等就醒喊一次 曾經試過10點訓,但到12點30已經醒過五次 (當我打到尼到,佢就已經醒一醒) 如果好好彩既話,拍拍pat pat即訓 唔好彩就又抱又搖又唱歌又拍pat 當終於訓著,一擺落床唔夠30秒又醒過 Please encore again and again and again 真心會燥左,著埋火???? 而家佢每晚醒5-1x次 而我每晚只係訓4-5個鐘 仲要係斷開n次黎訓 如果你問我返工夠精神咩? 只可以話暫時仲頂得住,習慣就好 如果你問我,你老公有無幫你咩? mmm....佢仲忙過我同收零晨 一一無影響到佢已經偷笑 由於時間上既錯開 基本上佢倆個只係望到大家既睡相 由於姐姐聽日起放兩星期大假 我就暫時做返full time mom✌???? 再之後又係地獄既開始 究竟全職媽媽定在職媽媽辛苦啲? 其實好在於本身bb乖唔乖同有無請工人 雖然一一都算乖(係蝦媽媽我姐) 但我無請工人 加上一一食係全部我自己準備 屋企家務都要自己做哂 所以都幾辛苦,仲要無教好訓 如果有媽媽係再加上bb唔乖的話 就真係最辛苦 各位媽媽共勉之 不論在職媽媽或全職媽媽都係好媽媽   ~~文一一的成長日記~~  文一媽通常半夜更新文章,因為要等文一一訓左先可以打到Blog,而家因為半夜經常醒,所以好難先打到一次 所以Facebook / instagram 會更新得比較快 IG story 經常update 希望大家可以like and follow, 多多支持 如果唔想miss我既文章,可以按"關注"我嫁 Facebook Page: https://www.facebook.com/charlesmanmama/ Instagram: https://www.instagram.com/lai_hung_winnie/ 文一一成長日記 Blog: Blogger.com: https://charlesmanmama.blogspot.com ESDLife:http://wow.esdlife.com/charlesmanmama MamiBuy:https://mamibuy.com.hk/home/14714/ Beauty Exchange: http://www.beautyexchange.com.hk/blog/Winnie.文一媽/ Theztyle: http://charlesmanmama.theztyle.com   聯絡合作或試用產品: laihwong9@yahoo.com.hk