副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

在職媽媽加固之路BLW vs 粥仔

BLW派: 只要餵過Spoon Food就唔係行BLW, 小朋友會唔識分吞嚥同咀嚼

BLW派: 只要餵過Spoon Food就唔係行BLW, 小朋友會唔識分吞嚥同咀嚼 粥仔: BLW太危險, bb大過自然會學識咀嚼, 加固要按步就班.   作為在職超新手媽媽, 對於兩派既意見都有認同既地方, 但我覺得最重要都係bb既意向同埋自己既能力, 如果佢唔ready BLW, 其實又真係無得迫. 如果佢唔食粥, 你又真係要搵方法加固如BLW. 我覺得唔會有一條適合所有小朋友既方程式.    好好彩一陳皮係個吃貨, 我從來只需擔心佢食太多, 完全未擔心過佢唔食野hahah   BLW/Finger Food   我絕對不是BLW專家, 所以我只可以分享我嘗試Finger Food經驗, 想了解BLW都係睇返專家好d! 好多媽媽都好有經驗, 同埋好有心機煮好多野食比小朋友, 大人睇到都好想食. 陳皮大約5個月左右開始坐得好d我地就開始比Finger Food佢試. 由於佢超級鐘意食野, 所以完全無難度. 我地主要係大人晚飯時間7點半左右比佢一齊埋枱食, 我地食飯佢食Finger Food. 有時出街婆婆都會整定D Finger Food 帶出街食   食物種類: 1. 菜心 - 最方便, 我地食佢又食 2. 栗米仔 - 呢個好睇甜唔甜, 甜陳皮就好鐘意食     3. 紅/黃椒 – 一田有一筒筒椒仔賣, 剪成條狀比佢食 4. 翠玉瓜 – 切條食   5. 通粉 – 揀無sodium既大粒通粉   6. 西籣花 – 呢個較少食, 因為我成日覺得花裡面有蟲, 同埋陳皮都一般般 7. 栗米 – 近期至愛 , 啜汁啜得好開心     8. 雞脾仔- 6個左右食第一次, 陳皮當然喜歡, 但次次都食到成手成地都油晒, 好恐怖, 要有時間好得閒先比佢食!但呢樣應該係陳皮最愛haha     8個月大已經可以食到條骨好乾淨!     9. 飯 – 陳皮都好鐘意, 但由於驚消化唔到每次比一匙左右 10. 香蕉 – 半條可以好快食晒     11. 提子/士多啤利/柑 – 因為提子太危險, 好易哽塞, 所以呢類食物我地會切到好細粒比佢食, 所以唔算BLW haha Finger Food 小Tips: - 蒸會較好, 可以保留返D汁 - 份量預多D, 因為有一半會係地下 - 留心望住佢食, 因為陳皮夠膽死成舊栗米放晒入口, 口都合唔埋, 嚇死人 - 要注意返飲多D水, 唔係便便會好硬     其實行Finger Food好處係比小朋友自己探索食物的質感味道等, 同埋可以學習手眼協調和咀嚼能力, 好似陳皮食雞脾又會識搵肉食, 食栗米會啜唔係成舊食, 跌左係枱既野佢又識執返黎食. 反而近期佢食多左粥仔後佢有時死都唔肯自己羅住野食, 係咁張大個口要人餵, 所以我覺得Finger Food可以訓練到小朋友自己食野(雖然呢樣唔係BLW出發點) 但6個月正式要加固既時候我地就加左一餐做粥仔, 因為陳皮都幾大食, 食Finger Food好難代到一餐住   咁點解會轉返粥仔?   因為我係完全唔識煮野食, 加上返工係婆婆湊, 好難要佢又湊陳皮又煮好多野食, 所以6個月開始就食粥啦! 不過我又唔覺得食粥仔唔好, 因為食粥之餘我地都有繼續每日比Finger Food佢地, 所以查實都之前無分別, 只係將1餐奶變左粥, 再加dinner finger food.   但陳皮可能食慣finger food, 佢完成唔鐘意米糊或太稀既粥, 一開始就要食接近爛飯, 8個月既佢已經代緊兩餐粥.   但無論係BLW, Finger Food定粥, 其實睇住bb食野既樣真係好開心!! ^ 食住訓!!haha   多謝其中一位BLW媽媽的分享, 如果大家想了解真正BLW, 可以睇下: https://www.facebook.com/461917020908027/posts/466798970419832?sfns=mo     更多分享 Follow me: Instagram: https://www.instagram.com/kaden.hk/ Facebook :https://www.facebook.com/kaden.hk   2019大阪櫻花之旅 出門旅行必備三寶 BB溫泉初體驗-大阪空庭溫泉 [大阪親子遊-万博記念公園] [大阪親子酒店推薦]   育兒篇 在職媽媽加固之路BLW vs 粥仔 濕疹媽媽最愛保濕用品分享 陪月篇: 究竟應唔應該請?請又要考慮咩? 生仔篇: 公立定私家? 豬隊友最易激嬲媽咪既說話! 四間Playgroup試堂分享   玩樂購物篇 唔駛排隊唔駛聽講座都有禮物送既媽媽會 團購寫真信唔信得過? [G-market Playmat 購物篇] [荔枝角大樹先生 - 初體驗]