唔知道大家對於小朋友既遊戲時光係點呢? 或者我小朋友仍比較小， 我仍可以每天在接他放學後到公園遊玩一會兒， 走動一下即使是少少的15MINS 左右   唔知係因為潮流既關係?還是做父母的更願意投資; 近年的確多了不少既PlayHouse，MessPlay等等活動。 我跟一班戰友差不多每個月一聚， 直至有一次朋友帶我們認識了Playright， 而Playright智樂兒童遊樂協會其實係一個非牟利機構   即使佢地自家既遊戲室"萬象館" 收費亦好便宜， 而今日想同大家分享既唔係萬象館， 反而係一個又免費又好玩既MessyPlay 活動 同樣都係由layright智樂兒童遊樂協會舉辦既， 賽馬會智樂好玩社區同盟@荔枝角公園   咁今次介紹呢個活動係比較常規性免費活動， 係2019年開始每個月都有兩日可以係荔枝角公園有舉辦呢個 賽馬會智樂好玩社區同盟活動   冇需要預先報名，冇需要比錢， 只要你肯黎就可以玩啦 今次我地馬騮戰隊又再出發黎呢個活動， 呢度實在太好玩，我都要出文要介紹一下比大家   我自己覺得好似Messy Play， 好似就有呢個小沙池啦。 呢個沙池d 沙都係比較少， 唔知係唔係其實比小朋友整到跌曬, 因為我地都比較晏先到,不過都好夠玩既     第二樣要介紹既遊戲，絕對是我仔最喜歡亦係玩得最耐既遊戲, 講緊就係玩泡泡啦， 係度我堅係欣賞PlayRight 既同事既準備 因為只需要3個水桶，加上蚊拍/一些泡泡棒/ 小朋友就可以既吹既可以Fing ， 連我看到小孩玩得咁開心都跟住Fing 左幾下     另外就係玩樹葉，早前在上教兒樂課程， 係遊戲治療入面，執樹葉係一個對於小朋友係一個探索遊戲， 真係太好了，正當我諗緊邊度有樹葉佢執之時, 就可以係呢個社區同盟有得玩啦     主要係樹葉入面有不少既工具，可以做咩呢? 就係利用左D用具可以尋找寶物啦， 入面有好多唔同既公仔/動物係入面 除左可以觸感同利用大小肌去接觸     最後仲有呢個玩泥既地方，或者大家會覺得好污JO呀， 成手泥成身都係泥同沙，有時情願佢玩到污污Jojo 因為遊戲係令小朋友成長既一步， 其實玩呢個比起你比錢入去玩個D 大PlayRoom 更加好玩更加開心，最重要係免費呀嗎....   係五月之前係荔枝角公園，每月都會兩日舉行我今次介紹既活動 而係三月份仲有一日，就係15/3 星期五 而四月份就有13同埋26日 五月份就有11 同24日 大部份都係一日星期六；一日星期五。     係黎緊既花展期間既周末都會舉辦一個名為「賽馬會智樂社區綠化遊樂場2019」， 活動中既遊戲項目：冒險遊樂園、小小木匠師、車軚陣、 百變木框、竹筒運木珠、透明畫廊、 Imagination Playground、激輪滑梯     如果你都打算去花展既話，留多少少時間一齊去呢個#社區綠化遊樂場，   不過記得要愛惜花兒，同埋愛惜當中既遊戲設施呀????????     活動詳情:   日期：2019年3月16、17日及23、24日（連續兩個周六及周日） 時間：上午10時至下午6時 地點：銅鑼灣維多利亞公園大草地 對象：3至12歲的小朋友及其家長 遊戲項目：冒險遊樂園、小小木匠師、車軚陣、百變木框、竹筒運木珠、透明畫廊、Imagination Playground、激輪滑梯 建議交通：天后港鐵站A2出口，步行5分鐘即達 參加辦法：活動屬香港花卉展覽2019之項目之一，凡購票入場者，即可參與。票務詳情請瀏覽「香港花卉展覽2019」之專屬網頁 https://www.lcsd.gov.hk/tc/hkfs/2019/index.html   如果對於介紹既賽馬會智樂好玩社區同盟活動, 亦可以留意它家既fb 專頁或網站 因為除左呢個定期活動之外，有時都會有快閃既活動架   智樂PlayRight專頁 https://bit.ly/2SQl5wh   智樂PlayRight網站 www.playright.org.hk     就這樣完結啦，下次再見啦!(拜~) ◕‿◕如有任何合作事宜，歡迎找我呀   Beauty | Baby | Food | Life  Angel 小魔怪Mama     E-Mail: manman81!@gmail.com instagram.com/angelbabyhome facebook.com/angelbabyhome/ 小魔怪。私家竇