副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

[孕記分享] 我的成孕之路

睇咗好多靚媽媽的孕記,Cherli 今次終於有機會可以動筆啦~ (感動中~~~)

睇咗好多靚媽媽的孕記,Cherli 今次終於有機會可以動筆啦~ (感動中~~~)   嫁作人妻差不多 7 年,最初過吓二人世界係好開心的,不過一年又一年過去,又從來沒有進行避孕措施,便開始擔心究竟係咪無得生,就算做咗 3 次 IUI + 1 次 IVF 都唔成功,仲搞到身心五勞七傷,於是便開始了好好的調理,响呢一年做咗好多嘢,直至絕望到頂點之際,「小狐狸」終於來到了~ (再次感動中~~~)         其實 Cherli 係第一次懷孕,講唔上咩心得,不過好想跟大家分享一下,希望為那些好似我咁,高齡、瘦底、久久未能成孕的同路人作個參考,不要輕易放棄。   中醫調理 記得當時啱啱 IVF 失敗,成個人行路腳浮浮,咁啱某著名 (我最喜愛)女歌星被影到睇中醫而揭發懷孕,而醫館好近我工作的地方,加上佢係沖藥粉好方便,於是每星期抽一個午飯時間見中醫。(唔係 hard sell) 一開始俾 ec 話我點解唔响人工授孕前睇佢,不過佢都好細心,逐步幫我恢復元氣。 不過中醫的嘢都係人夾人,c6 都有睇過架,但佢話覺得食完藥無特別感覺,所以之後只係我一個人睇,佢便以自己的方式去調理。   飲食 Cherli 自問已戒凍飲多年,也盡量戒白糖,生冷嘢也不多吃。 但正餐多數出面食,99 覺得唔健康,於是多咗來屋企打掃煮飯,仲為我預備帶飯菜帶飯,有時仲有湯水,貼心得很。 另外,多喝暖水和水果也非常重要,在這段時間我幾乎每天吃一個唔凍的蘋果,改善腸胃差的問題,幫助排清宿便,為小寶貝打造一個舒適的居住環境。   運動 第一次睇 ec,他叮囑 Cherli 一定要多做運動,但礙於體質氣虛,做些輕度運動就可以,於是我差不多每天都會在家附近慢跑。直到成孕前兩個多月,book 場同 c6 打咗兩次羽毛球,ec 以為我們打得劇烈,其實只是慢慢打。   心理調整 在這一年裡,最初是很起勁,但每次一來月經便會好失落。 上社交平台睇到好多哂 B post,令情緒上更大反差,有一刻真的覺得煩到想做 d settings 去 ignore 哂呢d post,不過最後無咁做,只係控制下自己用少 d 社交平台就可以。 而備孕中期要面對工作上的大轉變,幸好得到不少現任同事的幫助,大約一個月已經回復情緒。 直至成孕前的兩個月,簡直是絕望到頂點,還對 c6 講咗好多負面的話。 那次跟 c6 講咗好多心底話之後,有一刻好似突然醒咗咁,主動提出大家試吓活在當下,享受每一刻的相處,再多番嘗試就成功了。   身邊人的支持 講到支持,最用心用力一定係 99 同埋 c6,除了以上提到的,仲去咗好多地方拜神。 唔係要導人迷信,但這種決心和毅力絕對不容易。 而 bff 都好担心我,俾咗好多意見,介紹睇開的婦科醫生給我,仲揾咗好多人工授孕的門路,不過最終都用不著(除咗婦科醫生係做之後的定期產檢之外),相信她應該不會怪我的。 另外,一直有跟同事們表達希望懷孕的意願,也獲得他們的支持和諒解,這些種種都對我非常重要的。   其實 Cherli 都有嘗試一 d 網上話有用,但唔 sure 係咪 work 的方法,例如用薑煲開水浸腳、焗養生茶、自製花膠燉鮮奶等等... btw 做完覺得身心舒服咗就好。   Cherli 覺得讀書和工作都唔及呢次咁辛苦,因為前兩樣只要有恆心和體力是會見到有成果,但是成孕之路仲要配合心態和跟寶貝夠唔夠緣份。   今次係第一次寫孕記,希望大家會喜歡,寫得唔好希望唔會介意,下次再努力寫好 d 啦~ ​   謝謝各位收看,希望大家喜歡,歡迎任何合作和試用或出席活動 My Email: shirleylkl1002@gmail.com My Facebook 專頁: https://www.facebook.com/cherli.blogging My Instagram: https://www.instagram.com/cherlili/       我的其他平台 Blogspot: http://shirley1002.blogspot.hk/ theZtyle: http://cherli.theZtyle.com U Blog: http://blog.ulifestyle.com.hk/blogger/Cherli/ BeautyExchange: http://www.beautyexchange.com.hk/blog/cherlili She.com: http://blog.she.com/cherli/ Beauty life:  http://www. beautylife.hk/ ?100410 Elle Blog: http://blogs.elle.com.hk/Cherli WeShare: http://weshare.hk/cherli ESDLife: https://wow.esdlife.com/space.php?uid=56047