副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

產後抑鬱這心情 你明白嗎

最近心情都好差,做好多事都無晒精力,一直都唔察覺呢個情況,直至最近,同老公又嘈多左,又發覺同朋友之間嘅對話,全部都係怨言!加上長期keep住都想喊,我就開始懷疑自己有抑鬱了。  初初生完BB頭三個月,

最近心情都好差,做好多事都無晒精力,一直都唔察覺呢個情況,直至最近,同老公又嘈多左,又發覺同朋友之間嘅對話,全部都係怨言!加上長期keep住都想喊,我就開始懷疑自己有抑鬱了。    初初生完BB頭三個月,其實我係好開心,因為BB好需要自己,令我覺得個人好價值。加上母愛原因,我基本上全部時間都係比晒bb,即使出街/落樓下做運動都好,我都唔敢出太耐,怕bb會扭計。久而久之,我無左自己生活,亦少左同朋友出去。想話出去靜靜地散下心,但都係要帶埋bb,簡單黎講=無抖過!    想話老公傾訴一下,但佢係典型大男人,唔識安慰我,有啲湊b位仲會話我做得唔好,慢慢自己都開始懷疑係咪我湊得佢唔好~ 最近有一件事,成為我嘅抑鬱導火線。就係因為我係屋企整緊公司野,無留意到bb做緊咩,原來佢係到拍緊隻貓,最後貓貓嬲出抓抓到bb。我嗰陣都唔為意發生緊咩事,突然聽到BB大喊,塊面開始流血,我真係好驚,因為見到個傷口好近隻眼,好驚佢隻眼都有事,自己都跟住一齊喊!帶佢睇醫生個陣,醫生都話好彩找到入去啦,如果唔係,就可大可小。個一刻我好自責,係因為自己掛住整野,無留意到bb自會有呢個意外發生⋯⋯亦好憎自己點解要兼顧咁多事⋯    自從個日嘅事,我嘅情緒就一發不可收拾,一聽到bb喊就好炆(但明明我內心真係好愛佢)、對所有事都無晒興趣、暴飲暴食、甚至bb訓左之後,我依然都聽到bb喊聲、無時無刻都keep住喊、最唔開心個陣都有諗過想死左去就算,但一諗到個女,自己當然唔捨得⋯⋯    我試過同未生bb嘅朋友呻,佢竟然覆我:你都生左一年,仲產後抑鬱?呢一句真係好難受!畢竟生完個3年情緒同荷爾蒙都好易起伏。但無人會明白。 最後我決定打返去健康院,約時間見姑娘。今次分享,都係想各位媽媽明白,你唔係孤單一個,可以的話,湊b嘅同時要都顧及自己,適當時要休息一下!呢件事亦唔係咩要收收埋埋、唔見得光嘅事!如果你都有唔開心,唔好好似我咁收埋,而要講出黎,屈埋屈埋只會愈黎愈唔開心!媽媽們,我地一齊走出呢個難關! 鍾意我嘅分享,可以Like我地Facebook同Follow IG啊!比個支持鼓勵我!入面會有更多唔同分享比到大家架! Facebook: https://m.facebook.com/90sMummy/ Instagram: https://www.instagram.com/minarainlo/ Email: iamlorrainelo@gmail.com