副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

小腳板走天涯の23m東京旅行應該帶啲咩?!

沙律B又去旅行啦,2歲前最後一次旅行!

沙律B又去旅行啦,2歲前最後一次旅行! 今次都係衝唔出亞洲,但就轉左去東京!沙律B由出世到23個月,總共去左3次旅行。 9m 台北,18m布吉,23m東京,次次沙律媽媽都記低bring list! 如有興趣,可以睇番沙律媽媽舊文![台北Bring list,布吉Bring list] 今次去東京,沙律B已經23個月,bring list又有咩唔同呢? 首先,都係講番沙律B嘅飲食pattern先! 一日5餐,一至兩餐奶粉/鮮奶,午/晚餐跟大人食,睡前再食少少野。 因為都大個左,食嘅野食變得多元化,都唔使驚佢會餓親! 但餐同餐之間,可以食多少少生果。 以下就係沙律B個bring list! 5D4N非常詳細!!俾日後嘅自己作一個reference!! 1: 旅行奶樽+旅行即棄奶袋[Link]+即棄奶粉袋 [Link] 沙律B用美國 Playtex,上兩次旅行都係用佢,超方便,超好用! 沙律媽媽只拎左一個旅行樽 [連一個奶咀同樽蓋],再拎幾個奶袋就搞掂! 奶袋數量視乎BB飲奶次數,通常沙律媽媽會拎多幾個當 spare! 沙律B一歲已開始飲果汁,沙律媽媽通常都會加水開稀,用樽飲。 呢個好處係唔使一次過飲曬成盒果汁!同埋可以飲多啲水! 飲完直接 dump 個奶袋,沖洗成個樽,奶咀再用滾水浸,又可以用番! 次次清潔完,建議放一個奶袋入去,因為個樽穿底,驚有塵飄入去。  用完即棄,係唔環保,但勝在方人便,回程行李又會愈來愈少! 以往沙律媽媽都會拎多個spare樽,今次無拎,因為大個女啦! 沙律媽媽一直都用韓國Mother-K即棄奶袋,曾經喺沙律媽媽代購網都賣過! 因為太方便,又好用,次次番貨就即刻清曬倉。 沙律媽媽上兩次旅行都係用佢,除左唔環保,無咩理由拒絕使用! 用一包就dump一包,又方便,又慳位。回程仲減輕行唔少行李位! 用法又係超簡單,奶袋2邊都有開口,一邊入奶粉,一邊出奶粉。 出發前入定平時飲開嘅份量,計好飲幾多餐奶,飲幾多餐就帶幾多餐! 開奶時,摵開袋口,奶粉直接倒入樽,搞掂!  有睇開沙律媽媽個blog嘅都應該知沙律B係便秘B。 雖然轉左奶粉已好轉,但沙律媽媽都係長備益生菌同埋開奶茶! 加上去旅行少不免會食少左菜類,都係拎定安全啲!加上又勁方便! 益生菌可以喺藥房買[最平],而開奶茶就喺余仁生!   2: 奶咀組合+暖水樽+蚊帶+玩具 飲水樽非常重要, 而且仲要出門前裝滿水,隨身攜帶! 首先,機倉會令人dehydrate,一定要俾BB飲多啲水! 第二,如果BB開始加固,更加要多飲水,可以減低便秘機會! 第三,如果去寒冷地區,暖水樽好有用! 奶咀[Link]+奶咀盒[Link]+奶咀繩[Link]! 呢組items好緊要,沙律B唔可以無左佢地! 奶咀除左安撫沙律B瞓覺次外,上到飛機,仲可以減低不適。 一起飛,就俾沙律B啜,完全無氣壓問題! 沙律媽媽鍾情於NUBY奶咀盒,因為真係好好用!可以左鉤右鉤之餘又唔老土! 另外,建議用埋奶咀繩,預防啜啜下跌左落地! 沙律媽媽用左SuperBand蚊帶己經一年 [Link],好好用! 雖然今次應該唔會有蚊,但沙律媽媽都係拎定2條旁身。 因為唔知B&B咩環境,加上呢款蚊帶除左防蚊,bugs都可以! 一條last for 250個鐘,基本上2條就可以玩曬成個 trip! 沙律媽媽一入到屋,即dump兩條落地。 除此之外,玩具都要拎少少,今次拎左Peppa Pig同finger puppets. Peppa Pig係朋友送的,超鐘意,細細件,易拎! 至於finger puppets [Link],沙律媽媽自己代購的,又係沙律B超愛之一! 次次套入手指就會配合埋唱歌,增強認知!   3: iPad+Stand 同BB出遠門,電子奶咀真係唔少得,搭飛機好彩有佢! 預先上YouTube download 定啲片,放入iPad,就幾時都可以睇到! 真心方便好多架! Download YouTube 片好易,喺hyperlink youtube 之前加 "ss" 就知點做。 4: 消毒噴霧 + Babyganics 搓手液[Link] 沙律媽媽拎曬啲消毒噴霧去,全部用曬!細細枝,勁方便! 加上東京爆流感,又爆麻疹,真係多多消毒噴霧都唔夠使。 消毒掛包,沙律媽媽一上機就用,夾係身,可以消毒殺菌喎。 開左封可以用一個月,入到B&B都排足5日! 唔知有無根據,用左先算,自欺欺人都好! 搓手液,沙律媽媽一直都用開 Babyganics,真心好用! 次次拎出嚟,沙律B都會自動泳拎對手仔出嚟,仲學識左搓手! 最主要原因係方便,噴一噴,搓一搓,乾淨曬。 沙律媽媽習慣再用濕巾過一次,就可以拎野食! 因為東京爆流感,今次都拎左幾個口罩,以預萬一! 至於便攜式垃圾袋,之前沙律媽媽自己代購的。 宜家千色店都有,淘寶都有,大家可以搵下,真係好好用! 因為同小朋友出去,一家會generate左好多垃圾, 又唔係成日見到垃圾桶,好多時間都要自備,呢款係首選! 濕巾,拎左2包,Tempo都係2包,唔夠用先再買!   5: 尿片+褲仔+Pat Pat膏 帶片片或者褲仔之前,一定要計下數,唔需要拎太多! 沙律B宜家大個女左,啲wee wee大篤左,免得漏尿,都係換密少少! 初步預計一日5條左右,5D4N,拎25-28條都夠曬數! Pat Pat 又係一個 must-have-item,以防萬一! 而另一枝cream係醫生開的,因為便秒B易痾到爆,呢款藥膏好work! 至於個尿片袋,淘寶野,勁好用,沙律媽媽都介紹過!   6: 零食 + 果汁 + Prune 果蓉 沙律媽媽是旦拎左啲零食過去,主要係飛機時calm down佢! 果汁,都係用呢啲獨立包裝,夠方便,沙律B又可以自己拎住啜。 沙律B一歲開始飲鮮奶,機程長,又唔想開奶粉,就用鮮奶頂! 另外,仲有Prune果蓉2包,通便便用,沙律B好work! 除此之外,packed food 都拎左2包,預防餓果陣食。 結果沙律B唔夠食,去到日本再買多一包,勁方便! **記住pack行李時要預留一啲hand carry 7: 餐具+煮食工具 Neat Solutions餐墊[Link]已成為必需品,去邊都會拎埋,好用,又輕又慳位! 好多媽媽都因為沙律媽媽介紹過而買,基本上一至好評! 用左餐墊,可以將食物直接放上去,超乾淨! 除左當餐墊用,仲可以當砧板用。 因為沙律媽媽都拎左一個煮食煲過去,見到超市有咩就買咩煮! 用完,搵洗潔精清洗就搞掂,方便得很! 次次去旅行都會拎萬用刀,煮食時可以切菜切肉。唔煮又可以切生果! 雖然今次住B&B都有包煮食工具,但都係私火野乾淨啲,加上又細細把! 但一定要寄倉,唔可以hand carry! 至於食物剪,都唔使解釋,除左上落機要寄倉,其他時間可以完全跟身! 匙羹都係用私火野,有啲for沙律B自己「筆」,有啲for餵飯! 而碗仔,都係用番Munchkin,因為可以疊起,好慳位! 最後,就係個drink holder,唔想小朋友飲野飲時唧到周圍都係,一定要用! 因為今次book左B&B,有個爐,所以拎左個煲仔過去[14cm][Link]。 淘寶貨,激好用,又勁細隻,可以用induction/ceramic同埋明火! 全程煲水,reheat packed food,煮簡單野食都係靠佢,超正。 煮食工具找拎左一個羹同一對筷子,好有用! 最後拎左保暖水壺,一起身就有暖水。而保暖壺for去程回程裝食物。 8: 雨具 因為東京都有2日會落雨,所以玥準備定雨具。 B車雨檔,非常重要,如果架車濕左,都好大獲! 至於防水披風,作用就少啲,因為今次無用孭帶! 但如果 雨檔cover唔夠,都可以搵披風頂一頂! 仲有襪仔,一日換一對,拎曬啲舊野過去,用完即dump! 上圖咁多衫,回程已dump左一半,因為全部都好舊。 加上香港回暇,著唔到,下年又太細,俾人又太殘舊。 多番考慮之下,決定拎去日本dump,犧牲得好有價值! 9: 安全藥物系列 次次出門,沙律媽媽都會預備定一堆安全藥物! 小朋友唔舒服,多數都係發燒,流鼻水先, 所以check溫度工具,退燒,收鼻水用品都會準備定! 出發前,同沙律B見左醫生,因為成日捽眼,所以開定眼藥水。 今次東京好凍,都驚沙律B會凍親,所以拎定保嬰丹打底。 因為保嬰丹對沙律B都好work! 仲有藥水膏布,預防整損時用,但好彩唔使用到! 而甘油泵,係幫手通便用的,沙律B用過一次。 唔係便秘B媽媽,你是不懂的! 如果沙律B 4日都無poo poo,就會考慮用,好彩又唔使! 沙律B今次都係同大人瞓,要用私家被! 沙律媽媽今次找左2張美素牛牛被,一張車仔用,一張床用! 結果夜晚2張都當被用,otherwise真係唔夠暖! 10: 衣物 今次好凍,夜晚得番3-4度,日頭好啲,10度左右。 所以要拎好多厚衫過去,費事凍親! 去5日,拎5件底衫,5件面衫,1件羽絨背心,1件羽絨褸! 中間衫2-3件 [抓毛底],超保暖! 抓毛長褲仔3仔,2條抓毛襪褲仔,1條裙仔!睡衣2套! Fleece睡袋一件 [必要]!   11: 舊口水肩+舊紗巾+浴巾 口水肩基本上沙律B都唔用,拎過去做spare,用完即棄! 舊紗巾就多數用來抹野,洗碗等等!沙律一家當埋面巾用! 以上全部用完即dump,拎舊野去,回程可以減輕行李重量! 12: 牙刷/牙膏+沖涼液+洗潔精+Cream+唇膏+飯衣口水肩 沙律B由10個月左右已開始用牙刷,旅行都唔可以懶! 拎左枝舊牙刷過去,用完又dump!牙膏就要拎番嚟! 沖涼液都洗潔精都係用私火野,淘寶淘左呢啲袋仔,勁好用[Link]! 沙律媽媽上一個trip已開始用,用完即棄,好慳位! 但容量唔大,只可以 for 5日4夜左右嘅旅程! 因為東京太凍,乾到爆,Cream同潤唇膏都唔可以唔拎! 至於飯衣,當然係食飯時用,如果食到周圍都係,都幾煩! 最後要介紹番一個台灣製DISNEY旅行袋,超好用[Link]! 以上就係今個東京trip嘅bring list,下一篇會分享行程! 但唔好expect太多,因為湊住沙律B,無咩行程可言   嬰兒用品系列︰ 如何選購嬰兒用品の床品篇! 如何選購嬰兒用品の初嬰服飾篇! 如何選購嬰兒用品のSwaddle﹑包被﹑包巾﹑睡袋的重要性! 如何選購嬰兒用品の消耗品篇! 如何選購嬰兒用品の奶樽奶咀與配件篇! 好物&癈物分享︰ 精明買物媽媽系列の嬰幼兒好物分享 III 精明買物媽媽系列の嬰幼兒癈物分享 II 精明買物媽媽系列の嬰兒好物大分享 II 精明買物媽媽系列の嬰兒癈物大分享 I 精明買物媽媽系列の平靚正收納妙法! 精明買物媽媽系列の嬰兒好物大分享 I 旅行系列︰ 小腳板走天涯の18m布吉旅行應該帶啲咩?! 小腳板走天涯の如何選擇旅行地點,機票,酒店同其他事宜? 小腳板走天涯の10m台灣旅行應該帶啲咩! 自家製系列︰ 自家製系列の給寶寶最好的護理—自製天然健康湯水! 自家製系列の小兒天然止咳殺菌良方—燉紫洋蔥! 自家製系列の打一歲針前應該煲咩儲涼湯水?! 自家製系列の嬰兒都可以食嘅生日蛋糕—沙律B生日快樂! 健康系列︰ 健康系列の如何應付寶寶の便秘問題?! 健康系列の嬰兒應該打咩針?! 補咩針!! 教育系列︰ 教育系列のPlaygroup 有感! 教育系列のPN Interview 有感! 生產系列︰ 生產系列の30分鐘生產過程+老公陪產的重要性! 生產系列の早產嬰私院收唔收?生產費用又有咩唔同?! 陀B系列︰ 陀B日誌の如何拆解超聲波圖! 陀B日誌の公院私院產檢大不同! 其他忙碌日常︰ 加固系列の嬰兒可以食咩零食?! 暗藏細菌系列の選用沖涼玩具時要當心! 沙律媽媽的忙碌日常の湊B去街應該拎啲咩?! 純粹分享の在職媽媽補身恩物—老協珍熬雞精!!