話咁快來去匆匆既大阪之行就完滿結束 自從有左蠔豉妹妹後，每次去日本都離唔開akachan、西松屋！  大阪必行、必買BB shopping點！ 今日就等我同大家比較一下去邊間好啦~  —————————————————————  akachan  個人覺得如果係第一次生小朋友，akachan真係好值得去！ 無論你係孕婦，定小朋友係初生至幼稚園，基本上衫、食品、用品乜都有！     頭2次去，我係買衫買至手軟，基本上中國製既衫700円起~ 日本製既衫1000円起，不論中國定日本製既，質地都唔差！ 就算啲衫洗好多次都唔會起毛粒，又唔會洗到變型 不過呢，akachan既衫款出新既程度偏慢，我去左6、7次，今年冬天同上年冬天既衫7成一樣，或者只係換左顏色，所以我都無乜再買面衫俾蠔豉妹妹   底衫、訓覺長褲就買一堆，都係淨色無乜所謂~又唔貴️ 仲有一堆幼童麵、烏冬、餅乾、零食、早餐，乜都有，所以我都買左一堆   而孕婦用品方面，我覺得akachan比較貴，有左小朋友既媽媽就明，自己野慳得就慳嘛????   最後，提一提，akachan既衫褲尺碼都偏細，要好似蠔豉妹妹咁，高80cm又偏瘦先好著size 80！ 如果唔係，就買大一個碼穩陣d~     ♥由孕婦、初生-幼稚園既用品都有齊   ​♥多產品made in Japan   ♥衣服質地較好、耐用   ​​​​​​​♥玩具選擇多，會分好不同年齡   ​​​​​​​♥有日本製浴衣   ​​​​​​​♥幼童食品選擇多   ​​​​​⊗衣服款式不常轉換   ⊗衣服尺寸偏細   ​​​​​​​⊗甚少6歲以上小朋友產品   ​​​​​​​⊗孕婦用品較貴    —————————————————————  西松屋  如果想買平野，又唔介意中國製，西松屋就啱晒！ 面衫、褲都係由450円起，真係好平！ 不過呢，洗幾次就會開始起毛粒，同埋變變地型，個cutting會走樣 不過咁平其實無得要求太多~  頭2、3次我都無乜係西松屋買到又靚又平既面衫，不過今次買到幾件衫同褲，所以好睇出咩款~ 次次去啲衫都唔同款   佢地都有好多底衫，不過其實只係平akachan 100円，但唔come著，質地又無咁好，cutting又怪，所以買過一次西松屋既底衫後，我諗唔到再買既理由 而尺碼就正常，蠔豉妹妹高80cm、偏瘦，著size 80覺得少少鬆~  而幼童食品方面，西松屋都有賣，不過得大路牌子，同去藥妝店既選擇差不多~  如果你既小朋友已經係小學，咁行西松屋會比較適合~ 因爲啲衫由初生-size 150都有~    孕婦既哺乳bar、哺乳巾係西松屋有唔少選擇，都係1200円起，價格相宜~ 孕媽媽可以行下   ♥由孕婦、初生-小學既用品都有  ♥價格相宜  ♥衣服款式多，常轉款  ♥衣服尺寸正常  ♥有6歲-12歲衣服選擇  ♥孕婦用品較平  ⊗​​​​​​​衣服質地普通  ⊗​​​​​​​幼童食品選擇較少    —————————————————————  大家就睇返自己需要考慮一下行akachan定西松屋啦~  蠔豉媽媽建議如下:  底衫、屋企褲 - akachan  幼童食品 - akachan  面衫、面褲 - 西松屋  日用品 - akachan OR 西松屋  孕婦用品 - 西松屋   Facebook : 80後的人妻「旅」友  &  蠔豉妹妹之貓奴生活 Instagram : https://www.instagram.com/wingring 合作／邀稿 : wingring417@gmail.com / wingring@ymail.com