副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

工人湊 vs 老人家湊

我想香港十個家庭之中有五至六個家庭會在BB出生之前選擇請工人姐姐幫忙做家務湊BB,又或者是工人姐姐加一個老人家的組合,坐月既時候是我獨力湊陽陽,返工後就是工人加婆婆在日間照顧陽陽,放工返去自己再接力湊

我想香港十個家庭之中有五至六個家庭會在BB出生之前選擇請工人姐姐幫忙做家務湊BB,又或者是工人姐姐加一個老人家的組合,坐月既時候是我獨力湊陽陽,返工後就是工人加婆婆在日間照顧陽陽,放工返去自己再接力湊。不過,始終工人和婆婆湊都有所缺失。 先講工人湊,無疑最擔心是她會對BB唔好,先不要說虐兒,那太極端,輕則經常唔記得我地講既野,重則對BB比較粗手粗腳,成日用自己的方法湊我個仔,例如,叫佢餵奶唔好搖,佢搖到亞仔好似在船上面咁。我地問佢點解?佢話慣左,因為佢個仔鐘意人搖。又會自己擅自比枕頭個仔訓,佢話我地係唔會比枕頭住,OMG! 你個仔還你個仔,我個仔唔需要搖住食奶。有時,會因為佢自己的judgment而阻礙了我和我老公教仔的步伐,又例如,我們唔想亞仔一喊就抱起佢,想佢知道被安撫唔一定要抱,但佢就係唔係都抱。佢又說婆婆都係亞仔一喊就抱。最慘係佢沒有危機意識,而家亞仔會轉身雙手撐起個頭周圍望,但佢一無力個頭就會放落床,但佢竟然在前面放張包被,咁亞仔成個臉會塞落包被到而抖唔到氣。 輪到婆婆湊,有老人家睇住的確係會比較放心,可是老人家會縱小朋友,咩都大驚小怪,仲有會話我都係咁湊大你啦。。。不過,這些都不是重點,重點係體力問題和不能教到亞仔。有時見到婆婆好辛苦先抱到陽陽,而且最多就係同佢傾計,但不會訓練個仔,例如陪佢睇下書仔。3個月個陣去健康院姑娘比個玩具掂下佢隻手,亞仔好似無咩意識要拿住個玩具,個一刻先意識到原來我地一直都無訓練過陽陽,所以都驚比婆婆湊,佢會學唔到佢的年紀要識既野。例如,婆婆一直都比陽陽坐high chair,根本不會玩tummy time, 到我地叫工人同陽陽玩tummy time, 婆婆又驚會整親條頸。總之,老人家就咩都擔心一餐,搞到我都精神緊張。 但比邊個湊,有時都唔到你選擇,做媽媽都想自己可以事事親力親為,但為了將來和生活,只可以選擇返工。