「十個B有九個跌過落床」依句說話係第一次打針時私家醫生講的。我嗰下仲超驚訝！覺得點解可以咁平常呀？跌咗落地唔會死咩？跟住依件事喺我屋企竟然接連發生兩次。第一次時已經驚到個心實晒，但觀察咗覺得無咩野，包括： 24小時內  X 嘔 X 抽筋 X 平衡唔到 X 訓到唔識醒 X 唔肯食野 到第二次發生時Big媽係收到Big爸電話通知，仲驚！返到屋企見到BigBig個額頭腫咗，好彩佢仲識對我笑，但見到笑得有啲勉強，真係好驚佢會死。。 　 Big爸話：「今次一定要去睇醫生了」好啦！即刻飛的去屯門醫院急症室（因為博愛無兒科）。 　 醫生問咗少少問題： > 幾點跌親？ > 跌完姿勢係點？ > 知唔知邊個位落地？ > 跌既位置有幾高？ > 跌完咩反應？ > 有無昏迷、有無嘔、有無抽筋？ 　 跟住醫生就幫Big按咗一次個頭、手腳、背、前胸，基本上全身都按勻晒，睇下有無骨裂、骨折。 　 Big除咗額頭腫起咗一舊之外，應該無咩外傷，跟住醫生話俾佢照下CT（電腦掃瞄），其實我無諗過輻射問題，只係覺得政府醫生話得照當然係有需要的吧，之後睇返啲人講先知原來多數都係有徵狀先會安排照。 　 照CT係唔可以郁既，所以如果BB唔係訓著咗的話，就要俾「訓覺藥」佢，用針筒餵（Big媽反而係淨係識問訓覺藥有無副作用），不過一喂Big食訓覺藥佢就好激動，唔嘔都變嘔，一啲作用都無。最後好彩等等下佢埋身埋到訓著咗。終於可以入去照，睇住咁細既小朋友訓喺嗰部機面前個心又痛一痛..... 　 照完又等，醫生話睇片唔見有腦積血，不過詳細報告要三日後先有，有問題的話會打俾你。完。 　 對唔住呀BigBig 　 #我知真係錯到離晒譜 #無人想自己個B跌親 #床欄地墊咩Q安全措施都會整晒落去架喇 #最重要係唔好再俾佢獨留大人床一秒 #醫生話最安全就係任何時候都放地下 #BigBig生活軼事 #BigBig受傷記 #新手媽媽 #新手父母 #急症室 #屯門醫院 #電腦掃瞄 #CTSCAN #跌傷 #碌落床 #無下次 #絕對 facebook: https://www.facebook.com/bigbigmami/ IG: https://www.instagram.com/bigbigeveryday/