HEY!魚步入一歲啦~ 又係時間番健康院打針.. 今次打既,就係一歲疫苗有三針.. (麻疹、流行性腮腺炎及德國麻疹混合疫苗 MMR- 第一次 ,肺炎球菌疫苗 - 加強劑, 水痘疫苗V - 第一次) 未打之前已經聽好多媽媽話大部份BB都有身體反應,仲比較強烈 .. 之前打完針都無太大反應，最多只係微燒(38度) 但魚媽都有D怕,,所以打定底..煲左D涼水比BB飲左5日..(打針前2日,打針後3日) 2月11日 去健康院度高磅重..身高同體重明顯上升左唔少,升幅好理想:) 見姑娘測試手指靈活度同認知反應 , PASS :) 媽媽好開心既時候就到魚B打針... 3針..一次過...邊可能唔痛呀 :( 番到屋企佢只係比平時攰... 晚飯都食得唔多.. 2月11至2月16 都無發燒.. 只係比較攰同埋胃口差左..仲成日扭計喊..:( 2月17號 同月同日GROUP攪生日PARTY... 見魚B算精神所以我地都有去... 但番到屋企開始探熱...37.7度.. 都FEEL到佢開始想發燒... 貼左退熱貼一陣..都無退到..再探熱38.1,我就比左退燒藥佢食.. 食左藥就退番37左右..但藥力一過就變番38.1,,, 成晚都瞓得唔好,不停喊,,, 2月17至2月21號 呢幾日都斷斷續續燒37.9-38.2 好彩既係唔高燒,但己經足以令媽媽想暈.. 因為不停喊不停扭...又無晒胃口唔食野..仲瞓得好差... 2月22號退燒啦..37.5左右... 身上面開始出疹....頸背..面都有D紅疹... 2月23號 紅疹未退,小腿仲有2粒好似水痘咁既野:( 2月26日 所有紅疹同水痘退晒... 但係無咩胃口食野.... 一路我都有同佢探熱,,體溫37.4至37.7... (當瞓著左就36.9) 但好精神,肯玩,開始食番野... 魚媽知道38度先叫發燒.. 但體溫比以往高左...都有D 擔心.. 都帶魚B睇左2個兒科醫生..檢查左好正常.. 醫生話有D BB會打完針之後出現體溫偏高情況.. 係因為BB細對身體調節體溫能力比較低... 到依家魚B體溫都係偏高,,但所有野正常就無咁擔心.. 呢3支針,足足精神折磨我一個月... BB準備打一歲針既媽媽要有心理準備呀 ...   聯絡我或產品試用:RUBY.1125@HOTMAIL.COM facebook page : @haileybabywhy (hey魚b之日常)