副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

暈媽媽 - trouble two來襲

2歲生日之後第2日, 米豬已經急不及待用行動話比我知, trouble two來了

2歲生日之後第2日, 米豬已經急不及待用行動話比我知, trouble two來了   第一樣最明顯ge, 就係咩都要自己嚟"米豬做, 米豬不, 米豬砌, 米豬攞, 米豬拎", 自主性極強, 呢樣都OK ge, 因為有d野, 媽媽真係要學識放手     第二樣, 脾氣! 我承認每次米豬發脾氣時, 我真係萌生大把星落去ge衝動, 當然响個腦OS完就算啦....... 食食吓飯見到呢隻腳, 係咪好有一巴星埋去ge衝動? 呢D已經係碎料... 呢期興食食吓飯成啖lur返出嚟, 一係不不吓飯成隻手踭座落碗飯度......... 食到半飽時, 仲成隻手叉落去碗飯度狂摷!!! 崩潰呀哩.......... 有共鳴呀哩??? 吊起個仔嚟打ge內心戲每天上演........    低處未算低呀親.........    朝早起身, 自己玩緊好地地, 無啦啦爆喊 問佢做咩事, 佢話要落地地.......... ok...... you can talk man! 你話比我知咪得囉做咩喊呢.........   當然唔小得經常上演ge..... 媽媽出嚟!!!!!! 我出咗嚟邊個煮飯比你食呀仔???? 呢日真係激到我爆炸......... 話說我煮飯, 都知米豬要我陪住, 我就砌好咗生日禮物fire station比佢玩先行開, 我話我去煮飯佢仲同我byebye, 眼尾都唔sau吓我, 點知唔夠5分鐘, 又衝咗嚟廚房門口: 媽媽出嚟玩 我: 你等媽媽一陣, 媽媽煮埋飯飯就出嚟, 好快~ 米: 媽媽出嚟玩!!! 我: 你等多一陣, 一係你拎個fire station嚟廚房門口玩吖, 媽媽响度陪你 米豬真係即刻拎過嚟, 但係舉高, 掟爛............... : 媽媽出嚟!!! (想像吓呢個係你個仔, 你著未.......) 我呆咗............ (我估你都呆咗) 但為咗唔鼓勵呢種行為, 我繼續扮平靜地同米豬講: "你等媽媽一陣, 我煮完飯就會出嚟" 之後再冇同佢講野 慘遭漠視ge米當然癲咗啦~! 瘋狂咁掟d lego, 癲咗咁狂喊: 媽媽出嚟!!! (我估鄰居應該以為我虐兒XD) 結果由呢刻開始, 喊咗5分鐘, 到我煮完飯出嚟, 再喊咗20分鐘......... 我一响廚房出嚟, 就問米豬: 係咪好唔開心要喊喊? 佢話: 米豬喊喇, 喊多陣!  OK, 咁你喊完我地再講, 結果就喊足20分鐘....   老實講, 呢20分鐘有成個鐘咁漫長.......... 每一秒內心都交戰.. 打仔? 唔打仔? 鬧仔? 唔鬧仔? 等佢喊飽? 會唔會喊到嘔? 我都好餓wo一陣食咩好? 喂你喊還喊唔好係咁踼得唔得?   終於, 喊咗20分鐘, 破晒佢出世以來ge紀錄.......... 媽: 喊完啦嘛? 米: 米豬喊完 媽: 你係咪想媽媽陪你玩? 米: 係 媽: 媽媽都好想陪你玩, 但你記唔記得, 媽媽話要煮飯飯比你食? 如果媽媽淨係陪你玩, 唔煮飯你就餓扁扁喇, 想唔想餓扁扁? 米: 想! (吖好想打仔呀!!!!!!!!!!! 駁咀!!) 媽: 但媽媽唔想你餓扁, 餓扁咗冇寶寶比媽媽鍚, 你要唔要媽媽鍚? 米: 媽媽鍚鍚 媽: 下次响門口彈琴比媽媽聽唔好喊OK? 米: OK 然後第2日繼續重覆............     不過除咗呢2樣, 其實都有d進步ge, 例如...... 我地成功分房訓喇~ (下篇再詳細講)   面對trouble two, 媽媽們可以做ge, 只有忍耐, 同引導, 每次佢發晒癲, 我內心OS吊起個仔嚟打時, 不停同自己講 "佢表達唔到先咁, 佢唔知自己想點先咁, 比D時間佢, 耐心D, 忍住, 會過去的" 記住, you are not alone~!!!   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/