副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

N班interview有感!(小朋友學野真係好快!)

話說我地住嗰區都係屋村幼稚園多,比較有名既都係學之園,同有幾間新開既國際幼稚園~ 

話說我地住嗰區都係屋村幼稚園多,比較有名既都係學之園,同有幾間新開既國際幼稚園~  蠔豉媽媽因爲太懶,誇區的話完全無考慮,所以前後報左3間~ (其實仲有一間新學校想報但未報:p)  好好彩,頭2間都收到offer,最後一間就淨返學之園了~  學之園比其他學校遲報名同interview~  講緊係另外2間係11月in,12月出offer~  學之園就3月尾first interview,4月頭second interview,4月中先出offer~    可能之前2間都係屋村幼稚園,所以都無乜壓力!  去到學之園就另一個世界了~  1st interview,我同老公、蠔豉妹妹一齊去~ 我揀左最愛既深藍色衫俾蠔豉妹妹著,好似穩重啲!  我地早15mins到,點知,前後等左60mins先入房...    1. Group interview  一共6個小朋友加各自一位家長~  老師播下英文歌,一齊跳~幾位小朋友都聽到歌詞會拍手、stamp feet~  之後就叫小朋友坐好,老師逐一問小朋友佢手上既動物係咩,同埋要放返係適當既場景到~ (photo from internet) 有cat、dog、pig、sheep、cow、chicken~  好彩一開頭係叫另外2位小朋友先放,之後蠔豉妹妹望到大概了解點做,到叫佢時都做到 :p  (蠔豉妹妹因爲係抽中cat,所以都識,佢宇宙暫時得cat、pig、bird~其他動物全部都係亂up :p)    2, Individual interview  6位小朋友同家長去另一間房,有6張枱、6位老師,用廣東話問家長問題同叫小朋友做簡單指令。  - 拎手巾、杯、匙俾老師 (枱上仲有車仔、積木、筆等...)  - 叫小朋友自己揀玩具玩 (有車、積木、筆、紙)    係小朋友玩玩具時,就同家長傾計~  - 平日邊個湊小朋友?  - 有無返過playgroup?學咩為主?  - 想小朋友成為一個點既人?  - 平日屋企玩咩多?用咩語言?  (當日蠔豉妹妹唔知乜事!竟然全部都做到!走時見到其他小朋友推櫈,佢又推埋一份!)    3. 填問卷  終於到最後一個section! 家長填問卷! 小朋友就玩下入硬幣遊戲、積木~ 2位小朋友同家長一張枱,一齊玩~  填好就等校長入房,同大家講幾句~  之後就排隊交問卷、同校長say bye~  (蠔豉妹妹玩左幾下入硬幣就俾左隔離哥哥玩!因為佢眼中只見到我填問卷既筆...佢係咁Say please 示意要我俾枝筆佢...我唯有同老師講話想要多枝筆,叫蠔豉妹妹say pleases~ 所以,我張問卷花到7彩!仲要啲字寫到斜晒...因為蠔豉妹妹不定我份問卷去畫...)    完左之後真心覺得啲小朋友好叻!  可能因為學之園講明8月中後出世既小朋友唔會安排面試機會,所以大部份小朋友都大過蠔豉妹妹,好叻好醒目~  當日見interview既都識生字,2、3個音都ok~ (eg. good morning、good bye都講到)  蠔豉妹妹只係識hi、bye既單音~~  由於都聽人話7月b都無乜機會,所以都平常心咁預無second interview~  點知,符碌地又有機會2nd interview~    **************************************************    2nd interview既時候,因為蠔豉爸爸覺得都唔會收,加上1st in只係一位家長陪,所以無再請多次假,只係我同蠔豉妹妹出動!  今次都有深藍色嫁~~  去到發現,全部小朋友都係父母一齊出動,個個著到去飲一樣...  媽媽我就著到返工咁,針織衫加長褲~    我見差不多每個家庭都in 10-20mins,我地係出面都等左30mins~  而到我同蠔豉妹妹就5mins KO :p  (連工人姐姐都話點解我地咁快...)    入到房,其實都你小朋友同家長分開坐~  老師同小朋友玩 :  - 老師講要咩就拎返相應物件  - 玩疊高積木遊戲  - 將相同顏色既杯、碟放埋一齊  (photo from internet)   副校長問家長問題 :  - 點解得媽媽一位黎?爸爸呢?  - 想小朋友將來成為一個點樣既人?  - 點解揀學之園?  - 之前有無見過其他幼稚園既N班? - 如果其他N班同學之園都收,會點揀?  - 有無諗過小朋友之後讀咩小學?  - 直資同其他小學有咩分別?    之後就say goodbye lu~ 我睇見蠔豉妹妹都做足全部老師要求既,係玩積木時跌左一粒,蠔豉妹妹就執返放係枱,但反而表現得差既係我...  除左點解揀學之園我有諗過外,其他都...  同埋副校長問爸爸係邊時,我覺得今次gg了...  好啦~唔緊要,無論結果如何,我都覺得蠔豉妹妹表現得好好! 有無offer就睇緣份啦~    經過3間N班既面試,媽媽覺得小朋友真係大得好快、學得好快!  我以為佢唔識推櫈,到宜家佢見到其他小朋友咁做會跟住做~  我以為interview我係配角,到我答得差好沮喪,蠔豉妹妹主動拖住我,之後同老師say bye bye、媽媽差啲想喊出黎! 我個女幾時咁叻咁窩心~  希望蠔豉妹妹大個可以keep住係一個窩心小孩,祝各小朋友都入到想讀既學校~   Facebook : 80後的人妻「旅」友  &  蠔豉妹妹之貓奴生活 Instagram : https://www.instagram.com/wingring 合作/邀稿 : wingring417@gmail.com / wingring@ymail.com