副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

自私食!無油BB版西多士!(12m+)

每日要諗蠔豉妹妹下午茶真係人都癲... 

每日要諗蠔豉妹妹下午茶真係人都癲...  除左包加生果外,媽媽真係無乜idea~  只好係包既身上搞搞新意思~  之前我咪話過陀住蠔豉妹妹時好鐘意食西多士既!  所以今次我就決定試下整西多士俾佢試下~    傳統既西多士係又甜又油,話明係BB版,就緊係要改良一下~  材料好簡單:  方包 1片  奶 3分1盒  蛋 1隻    奶同蛋攪勻~    之後方包一開4,放入蛋醬到大概5分鐘~    係呢個時候就預熱我既美的空氣炸鍋到200度,一樣係5分鐘~  (無氣炸鍋就用煎既方法,不過要落牛油煎,咁會油膩少少,或者18m之後先試啦~)  預熱好就放方包入去,一共10分鐘(自行加減)~  (大人食可以耐少少,乾身啲,再金黃啲,BB版就唔洗 :p)    加少少砂糖,或都蜜糖都ok~ (12個月以下絕對唔可以加蜜糖!記住!)    好啦!到試食時間!到底蠔豉妹妹鐘唔鐘意呢?    本身以為我有機會食一嚿,點知!   佢一人獨享... 媽媽咩都無T.T...  整又我整,野又我洗,我乜都無...  不過算啦,佢食得happy最緊要!   Facebook : 80後的人妻「旅」友  &  蠔豉妹妹之貓奴生活 Instagram : https://www.instagram.com/wingring 合作/邀稿 : wingring417@gmail.com / wingring@ymail.com