副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

免費一歲寶寶預防蛀牙計劃

因為豆豉眼有奶睡習慣而且唔肯比我幫手清潔牙齒

因為豆豉眼有奶睡習慣而且唔肯比我幫手清潔牙齒 所以豆豉媽一直以黎都好擔心佢會有蛀牙 (雖然只係乳齒,但都會影響外觀) 於是我就幫呢粒豆豉參加左一歲寶寶預防蛀牙計劃 呢個計劃係免費的,Project 為期兩年,檢查一年一次,一共3次 報名後大約一歲時就會有醫生以whatsapp/電話 聯絡詢問寶寶進食及牙齒狀況 要合符資格才可以參加的。 而豆豉眼因為以下原因而可以參加此項計劃,而且佢係屬於高危蛀牙寶寶 1. 有奶睡習慣 2. 每日仍然至少5次以上飲奶 3. 至少1隻牙齒 (豆豉眼有12隻牙齒) 4. 16個月大前才可以參加 當日先到一樓 3號窗口登記,再上二樓 需填一份簡單問卷 (主要內容係家長以及寶寶牙齒狀況, 家長對於寶寶牙齒檢查的睇法) 填完問卷等一陣就可以入去喇,檢查時醫生就用吸管收集寶寶的口水,同埋用棉棒在牙齒表面抹一下 用黎收集牙菌斑 成個過程豆豉眼都尚算合作,而且完全無痛楚,牙醫同姑娘都勁 Nice!!!  好好彩醫生話粒豆豉無蛀牙 但牙齒表面已經有黃積 (主要原因係來自食物色素) 檢查完牙齒就會到另一間房由另一名牙醫講解如何幫寶寶刷牙,同埋佢地會提供一支牙膏建議家長每日使用為寶寶刷牙 (醫生指出牙膏係市面上含氟化物或木糖醇的,係安全及合適寶寶使用)。 過程都好快,一個鐘內都完成。 豆豉媽估計此項計劃係想測試市面上牙膏是否有助預防寶寶蛀牙。 當然牙膏家長可以自行決定會唔會使用,但豆豉媽覺得可以免費比寶寶檢查牙齒都唔錯。另外,牙醫係唔建議使用 360牙刷,因為刷毛太軟。但豆豉媽覺得現階段 360 牙刷可以先比寶寶建立刷牙習慣,家長可以另外使用兒童牙刷幫寶寶清潔。   要注意事項: 1. 不要讓寶寶感冒,如果寶寶因爲不舒服在檢查前兩周内有服藥,或者檢查前兩周内需要打疫苗,需再另外安排時間 2. 需要帶同寶寶的出生證明正本或身份證原件,以及家長身份證登記 詳細地址: 香港島中西區西營盤醫院道34號菲臘牙科醫院