副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【親子遊】復活節美中不足兩日一夜

20190419   軒軒19個月+懷二胎24週

20190419   軒軒19個月+懷二胎24週     難得有四日假期,當然要去渡下假啦,今次揀左 荃灣汀九嘅帝景酒店。復活節住宿package:一晚家庭房or主題房(我揀左入住音樂主題房),自助早餐,自助晚餐,復活節嘉年華票,balano 優惠卷,因為係補祝埋老公生日,所以我加埋生日蛋糕同生日卡,整個package合共大概$2400。     係屋企樓下食完早餐再搭車去到荃灣都一直未有落雨,點知去到等酒店 shuttle bus時就開始落雨啦,仲要係超大雨個隻 上車後大概三個字就到達。兩點前去到check in都有房拎啦,太好check in時已經同左我地講天氣關係所以水上活動同泳池都無開放我地今次嘅重點活動泡湯了 拎埋 免費爆谷就上房睇下先。       房門已經有裝飾 有個帳蓬,我個子矮小,所以我都岩岩好夠訓 樂器 corner     放低行裝就去餐廳參加下午2:15舉辦嘅朱古力彩蛋DIY(酒店其中一個復活節活動) 每個家庭有一份材料,自己diy然後廚師會黎睇下邊個家庭個份設計得靚 我地著左親子裝     完成個活動又無得玩水,咁就諗住帶軒軒去酒店個波波池玩,點知軒軒依家到左一個階段---情緒認知:恐懼同埋又處於未太識用說話表達出來自己想點,所以小小事就會好驚,所以佢喊哂就唯有番房玩樂器........ 因為book 左第二輪晚餐,所以我打去叫酒店拎左老公個生日蛋糕上黎食左先。 軒軒係房玩樂器又玩下眼鏡同帽,終於變番開心小軒軒 我的大肚照,攝影師:老公     玩樂到六點,齊齊訓晏覺     自助晚餐第二輪 8:30-10:30 一開始拎碗河粉同軒軒share醫肚先 長腳蟹我食左好少好少,冷盤嘅蝦我都有食 刺生沒我份 熟嘅蠔我都食左兩隻仔 椰王燕窩蛋白 我一拎碟甜品番黎,軒軒就叫啦,佢認得自己食過木糠布丁同芒果布甸     食飽飽番上房沖涼休息嚕~     第二日8點半起身梳洗 落去食早餐,要等一陣位。 食完番上房執好野check out ,再上番酒店18樓參加其中一個復活節活動:空中田園導賞團 係其中一度門出去有個小小嘅種植區,種植左一啲蕃茄,蕃薯,粟米,羽衣甘藍 等等........參觀左幾個字我地都走嚕     落番lobby等 shuttle bus去荃灣西站,去aeon玩陣再搭車去元朗yoho食埋個下午茶就回家去             產品試用/活動邀請/其他合作 歡迎聯絡:tanleesharon2004@yahoo.com.hk 謝謝 軒軒與小小b facebook page http://www.facebook.com/leessssfamily