好多人都聽過「一孕傻三年」，唔止係生完之後無記性，懷孕後包媽已經覺得記憶力大不如前，好多時要問包爸：我頭先同你講咩話？？聽日我哋係咪約咗人呀？產檢聽講座等等，都要馬上即場MARK落行事曆，如果唔係真係會MISS咗。 但原來除咗無記性，原來仲會眼朦朦!?事緣包媽一向都係四眼妹，近視散光都幾深下，中學後習慣戴CON，不過聽聞為免陣痛時太用力CON會爆，入產房係唔建議戴隱影眼鏡，為免生完之後姑娘抱包包埋嚟問係仔定女時，乜都睇唔到甚至答錯，加上坐月時一兩個鐘醒一次餵奶換片，都係去配副新眼鏡啦。 更多包媽孕期分享，請FOLLOW： 雲妮手札 https://www.facebook.com/winnie810corner/ 上兩星期放假同老公去眼鏡舖，除CON等咗15分鐘後驗眼，驗完眼出嚟嘅結果真係嚇我一跳，近視深咗150度散光都深咗50度﹗﹗﹗包媽已經近十年無加深過度數，真係O晒咀。視光師見到我籮咁大個肚就話：「其實正常見到客人大肚，我都會建議唔好配住，因為會有假性近視。」假性近視？？咩嚟架？ 更多包媽孕期分享，請FOLLOW： 雲妮手札 https://www.facebook.com/winnie810corner/ 網上搵返嚟嘅資料：「懷孕的媽咪體內荷爾蒙波動，容易產生水腫問題，水腫也會發生在角膜上，當角膜含水量增加，近視也會增加；另外，角膜的弧度也會有變化，使得眼球的屈光度或一般講的度數或散光有改變。 不過這只是短暫的，隨著孕期結束、水腫消退，視力就會恢復，因此在度數不穩定的狀況下，不建議孕媽咪在懷孕期間做雷射治療近視或重配眼鏡度數。」 手腳手腫聽得多，估唔到眼角膜都會水腫，真係長知識﹗﹗視光師話平時就唔建議大肚婆配眼鏡架啦，但咁啱呢間舖有一年保養，叫我產後幾個月再去驗眼配過鏡片，呢兩三個月照用住先啦~~就係咁配咗副形狀款式同老公有啲似嘅眼鏡啦，嚟緊大家見到包媽變做四眼妹唔好太驚訝啦哈哈﹗ 如果覺得有用的話，去FB Page雲妮手札留言，我就已經好開心啦 =) ****************************************************************************** 包媽雲妮有多重身份：新手孕媽，娛樂小編，主播，活動主持…… BabyKingdom駐場Blogger 邀稿│出席/主持活動│試用│試玩 歡迎inbox FB PAGE雲妮手札 聯絡 更多分享 請follow Instagram : Winnie810hung FB Page: 雲妮手札 https://www.facebook.com/winnie810corner/