副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

7個月bb 安心blw

7個月bb 安心blw 

7個月bb 安心blw    相信好多媽媽行blw ,所以唔多講blw 既好處,只係純粹分享下自己如何安心blw,教導楓哥想食就自己負責任去滿足自己,當然我都還在學習中,之後既路仲需要努力!   楓哥由5個月開始,有一段時期厭奶,所以我就開始諗加固問題,我開頭試過餵即食果蓉同米糊,果蓉食得還好,但米糊係完全唔食同嘔番出黎,我仲用人奶開米糊,結果都係一樣,唔食!   所以我就直接唔餵米糊,反而睇書、上網睇資料同問朋友有關嬰兒主導進食Baby-Led Weaning,BLW既資料。   先洗手、再配合固定既食飯時間及位置 每日12-1:30PM 呢個時間,都係屋企lunch time;我會先準備好大人飯桌既午餐,再抱楓哥洗手及著食飯衣,之後佢就會坐定定係high chair 上面等食;久而久之,楓哥而家望到飯桌上一碟碟擺好既餸,佢隻手仔就會郁下郁下,因為知道有得食啦;   平時食飯我連電視都唔會開,想楓哥專心一致學習抓食物,我想從小培養進食時進食,遊戲時遊戲既概念。楓哥暫時還好,遲d 唔知道!   其實BLW食物既煮法都離不開蒸同煲! 我就全部都係用蒸既方法,因為蒸可以保全食物既營養之餘,又比較簡單。 好多媽媽買左蒸煮機,但我就無買,所有食物普通隔水蒸。我只係買左個Bruno 手提攪拌器黎專門整碎食物,有時都可以用黎整果蓉,好方便   粉紅色好靚呀!$498 滿足少女心     岩岩開始既時候,我只係比菜心莖!每日都係菜心莖,大概一星期左右,等楓哥學啜之餘,易拎好多!佢慢慢由一條到而家可以食4-6條菜。 慢慢我比唔同食物楓哥試,比過紅蘿蔔、燈籠椒、薯仔、西蘭花、蕃薯、蘋果,士多啤梨等,食完會比水個仔飲,而家已經識自己拎住水杯飲水。同時要睇bb 既便便,有無食物殘渣,有就成功既一大半啦!   食物盡量切成條狀,粗度要適合bb 手既大小,千萬唔好切太細,bb 好容易噎住。 我開頭仲未拿捏好食物既軟硬度,試過蒸得太軟,阿仔一拎就爛,又試過蒸得唔夠軟,太硬;個仔食唔到,我又驚佢噎住,所以要安心行blw ,一字記之:慢! 慢慢留意食物蒸煮軟硬程度,點樣先適合自己bb咀嚼同咬、慢慢觀察bb 咀嚼能力、慢慢試唔同類型食物,唔一定樣樣食物都食到或者食得好!     而家楓哥每日食飯,我都會陪住佢,我仲會不停大讚所有食物好食好食,我仲做埋d 好誇張既表情(外人睇似傻婆),我想佢多d 自信自己拎起食物,當然記得一定唔可以心急,每試一個新既食物都會試好幾日,以防敏感!唔需要比壓力,輕鬆愉快地共進午餐。   當然食完餐飯,每日都好似戰場一樣,個仔食到周圍都係,食食下又會摸頭又r 下耳仔,我已經由崩潰邊緣,到而家接受左,媽媽清潔所有野都需要時間,所以呢一點真係會令媽媽卻步,放棄blw 。   我係新手媽媽,暫時楓哥好多食物都未試,一切都還在努力當中,都仲會上網睇食譜同blw資料!楓哥行blw 既同時,我覺得我自己都需要時間去摸索真正方便我、適合自己既方法。我從來無比較既心,bb 想食幾多由佢地決定,當然楓哥都需要補奶,暫時而家可以代到一餐奶,便便靚靚,我心滿意足,大家共勉之。       希望大家可以like 我同楓哥fb ,share 多d blw 既資訊   https://www.facebook.com/jeremyandjadema/   麻煩大家幫忙like 下了