因為第一胎既關係, 好多野都唔識，除左入各大媽媽會之外，係整個懷孕期間，我一共去聽左十幾個產前講座。(哈哈!) 今篇就同大家分享一下2018年下旬去聽既講座資料! :D ****************************** 1.)「新世代孕媽媽準備秘笈」免費產前講座 主辦機構: 香港醫護聯盟、鴻福堂集團有限公司、Cetaphil 參考網址: https://healthtalk.hk/tc/index.php 日期: 2018年11月10日 @2:00pm-4:30pm 地點: 油麻地城景國際酒店 內容: 懷孕坐月食療你要知、常見寶寶的皮膚問題及護理 講座分2 parts, 上半part由中醫講解懷孕同坐月時候需要留意既飲食資料, 下半part由醫生講解初生BB有機會會遇到既皮膚問題，因為係第一次聽講座既關係，覺得講座資料都幾有用~ 場內亦有鴻福堂既薑醋試食 禮物: 有鴻福堂既薑醋Coupon, Cetaphil試用裝...etc (相片中間個幾條紗巾係在酒店外登記各媽媽會送的, 不是講座送的。) -------------------- 2.) 陀B輕鬆好EASY產前講座 主辦機構: 美素佳兒 參考網址: https://www.friso.com.hk/hk/seminar 日期: 2018年11月17日 @11:00am-1:00pm 地點: 旺角帝京酒店 內容: 營孕之旅 係一個大廳舉行，由營養師講解準媽媽係懷孕期間既營養需要，另外亦有註冊護士示範幫BB沖涼，在場有Booth可以試飲媽媽奶。) 禮物: 原本最期待係個三角枕，但之後發覺本書仔既內容都好豐富，好值得睇。 -------------------- 3.) Mides分享會 - BB穿衣大法 主辦機構: Mides 參考網址: https://www.mides.com.hk/caring-talk/ 日期: 2018年11月21日 @3:00pm-6:00pm 地點: MiDes陳列室-九龍荔枝角道 內容: 嬰兒衣物的注意事項、穿衣示範及實習...etc 聽人講Mides既講座係好難報名, 好幸運第一次就抽中! 講座好似小組形式咁舉辦, 在場只有大概20-30人, 有份NOTES主要係教你選擇BB衣服上要留意它的物料, 初生BB所需衣物既數量。而且會有一個假BB比你實習，整個過程都幾好玩同實用。 講座完左可以去佢地既陳列室買野, 即場購買任何一件物件就可以入會。 (**小提示: Mides既講座係需要提供證件去核對個人資料) 禮物: 一件半身和尚袍、一對手套仔同一個牙膠。 -------------------- 4.) 產後護理你要知 主辦機構: 敏兒安 safe T21 express & 媽寶學院 參考網址: http://www.mabiouni.com/ 日期: 2018年12月20日 @7:30pm-9:30pm 地點: 西九龍紅十字總部 內容: 產後護理及臍帶血嘅知識 雖然地點有D偏遠, 不過見禮物好似幾吸引所以就報名。 內容都講得幾詳細，頭一part由醫生講解生產既方式同過程，聽完講座我先知道原來剪會陰既位置係在陰部既後下方剪...第2part就講解有關臍帶血既進展同知識。(不過我係政府生, 所以都唔需要考慮) 禮物: 有鈣片, DHA, 保溫瓶同一盒小朋友口罩，不過我自己最鍾意就係有張Mides既包被 -------------------- 5.) 孩子成長從有機開始 主辦機構: Hipp 喜寶 參考網址: https://www.facebook.com/HiPP.hk/ 日期: 2018年12月22日 @11:30am-1:30pm 地點: ClubONE九龍半山 — 何文田農圃道18號商場 內容: Hipp公司及產品介紹 講座內容主要都係圍繞返佢地公司既有機嬰兒食品去做講解，因為我之後都想比BB食佢地既副食品，所以我都有留心聽下。雖然內容係hardsell, 但其實時間都好快過, 中間仲會有問答環節, 答中既仲可以有一支妊娠油送~可惜抽唔中我。 禮物: 有價錢$700既禮物包，貼心既係罐奶粉係用張Coupon上面既Code去佢地個網到揀選返1號奶粉, 直接用順豐櫃收貨(免運費)，唔使講座當日拎餐死。 -------------------- 6.) 雀巢防敏1000天 準爸媽湊B實戰坊 主辦機構: 雀巢 參考網址: https://www.nestlebaby.hk/event 日期: 2018年12月22日 @2:00pm-4:00pm 地點: 旺角帝京酒店 內容: 懷孕分娩你要知 & 坐月護理 & 初生BB護理工作坊 今次內容係坐月個Part都講得幾詳細，資料都幾有用。 除左講座之外，在場亦有陪月係會場做示範(幫BB換片穿衣，洗澡，面部及臍帶清潔) 禮物: 各品牌既試用裝, 同埋好可愛既媽媽袋 暫時介紹住咁多, 2019年初仲出席左幾個產前講座, 下一篇再繼續。 ****************************** Facebook Page: KCC Lovelife x 我們的生活日常 -香港x馬來西亞 Instagram: kcclovelife MamiBuy香港媽咪幫: KCC-蘋果媽 esdlife: https://wow.esdlife.com/kcclovelife 聯絡電郵: kcclovelife@gmail.com
