副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

北角三大免費親子好去處(附一日遊路線)

小跳豆媽同大家介紹下北角三大免費親子好去處,三個地方都好近,同一日去哂都可以!

小跳豆媽同大家介紹下北角三大免費親子好去處,三個地方都好近,同一日去哂都可以! 1.百福道交通安全城 交通安全城係一個模擬道路環境的地方,可以提高小朋友對道路的認識!馬路設計得相當迫真,亦有紅綠燈、路牌、天橋、隧道等。冇團體租用的時段會開放比公眾。大d 的小朋友可以自備單車去踩。雖然位置北角,不過搭地鐵就鰂魚涌站近d(C 出口)。如果想玩足全日,去完安全城可以先去附近商場健威坊或者街邊餐廳食d野先。   2.渣華道體育館室內遊戲室 由安全城再行幾條街,就會到北角渣華道體育館,入面有一個兒童遊戲室,上個月翻新左,增添左遊樂設施。如果想直接黎,交通亦非常方便,北角站A1出口,過馬路就到。   3.北角碼頭 由渣華道體育館行過少少,就到達北角碼頭。碼頭有渡輪過紅磡、九龍城同觀塘。可以帶小朋友搭船過海。唔過海亦都可以係碼頭旁邊行下,有幾檔買海鮮,亦都有個花園仔行下。 路線重溫: 百福道交通安全城-->午餐(eg健威坊)-->渣華道體育館室內遊戲室-->北角碼頭 謝謝閱畢! 歡迎聯絡: jumpybeanmum@gmail.com Facebook page: 小跳豆媽育兒記 Blogs 腳印:靚太club,My BB.com, Mamibuy