副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

媽媽me-time × 情調西餐 @ Flâneur

小b大咗,媽媽可以有番少少自由!

小b大咗,媽媽可以有番少少自由! 跟小b爸配合一下,那....就可以出走3、4個鐘,跟朋友逛個街、吃個飯。 媽媽們真係好需要有自己嘅 #metime ,放放風、抒發下、開心下!所以我就相約咗JM媽齊齊來個metime! 我就揀咗間環境幽靜、挺有情調嘅西餐廳???? 【Flâneur】,跟JM媽食晚飯,暢談一番。   餐廳面積雖然不大,但樓底高,加上一邊係高吧枱,增加咗唔少空間感! 食物方面,質素/水準好,味道亦不錯。 特別係鮮活藍青口,粒粒都好新鮮,鮮甜美味,只係個Cheese Sauce 鹹了些少!   除了藍青口,我哋還order咗另一款前菜 法式鴨肝拼盤,配以青蘋果片,罪惡感少一點之餘,食落仲好清新。     主菜呢,我哋分別order咗 烤美國豬脊骨同龍蝦香辣扁意粉,兩款都好好味,推介! 先講個豬脊骨,上面鋪滿醬汁,一睇就知"正"!一客4條肋骨,平時出面食開嘅,肉比較少,但呢度嘅豬脊骨肉厚多汁又夠稔! 至於 龍蝦香辣扁意粉,睇相就見到擺盤有幾勁 味道辣辣地,好惹味!如果份量可以大一點就更Perfect。   呢度節奏輕鬆緩慢,用餐時間沒有限制,不經不覺,我哋傾下講下食下,快3個鐘了!   最後以淡淡椰香的 椰皇焦糖燉蛋 及我倆都愛嘅 烤焦糖菠蘿 作結尾。 味覺與心靈同樣滿足❣       Flaneur 地址: 佐敦官涌街5號地舖 (港鐵柯士甸站 F出口, 步行約3分鐘)   #flaneur #hkfoodies #girlsssstory #Happyhour