本身想係自己生日時帶蠔豉妹妹去海洋公園玩~ 諗住用下生日優惠! 點知同朋友傾計時發現海洋公園萬豪酒店係package~ 自助早餐+住宿+2大2小入場卷,假日都只係$2xxx~ 所以就同埋婆婆、工人姐姐去海洋公園玩,之後一家三口晚上住酒店~ 蠔豉妹妹第一次去海洋公園! 媽媽要好好記錄一下~ 由於爸爸媽媽對海洋生物認知有限,講黎講去都係魚、金魚、鯊魚、海獅、海豹、魔鬼魚... 好彩每個品種都有文字(中、英)介紹,如果唔係就一直fish、shark...無限loop :p 之後又睇下熊貓、小熊貓~ 仲有一眼就愛上既企鵝! 愛到宜家日日都話要睇企鵝係乜事 :p 雖然全日都暗暗天,不過都只係走時落雨,所以人少少,其實都幾舒服! 前前後後玩左5個鐘!全程睇動物!乜都無玩過~~ 不過係海洋公園食野真係幾貴,貴過迪士尾... 一碗麵,$105~ 一個飯,$125~ 重點係唔好食,早知去返酒店食好過... 玩完正式上房! 我地本身唔係住呢種房,係因為一啲問題,所以upgrade左,其實我話downgrade都得,俾個浴缸我就得,蠔豉妹妹無浴缸我真係唔知點同佢沖涼... 可能因為upgrade左,所以房都大少少,不過由2 single beds變做double bed~ 蠔豉妹妹又90度轉身咁訓,全晚我同老公都訓唔好,得佢訓到... 不過都happy既,因為早上可以玩水! 本身想落泳池玩水,不過都幾多人,加上upgrade左後個浴缸大到我地一家三口一齊玩都唔迫,所以就係房玩水~ 玩完就去食breakfast buffet~ 之前就聽講海洋公園萬豪酒店既buffet好正! 所以都幾期待! 款式選擇都多(原諒媽媽無時間影相)~ 個人覺得同Kerry Hotel breakfast buffet差不多~ 味道方面比Kerry Hotel更好! 蠔豉妹妹一人食左一個米粉、一塊薯餅同勁多士多啤梨~ 由於蠔豉妹妹嗰2日太happy~ 酒店又靚,所以蠔豉爸爸話會有下次~ Ya! 前前後後同蠔豉妹妹住過3間香港酒店,希望快啲又有下次~ Facebook : 80後的人妻「旅」友 & 蠔豉妹妹之貓奴生活 Instagram : https://www.instagram.com/wingring 合作/邀稿 : wingring417@gmail.com / wingring@ymail.com