副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

高位穿水,穿左兩日先入院,瑪嘉烈催生記

波波豬八個月2日啦!

波波豬八個月2日啦! 想同大家分享我生女女嘅過程 記得39週6日時我覺得下面好似有啲嘢滴出嚟,我望一望我以為係分泌就無理,成晚都冇咗有咩特別,39週7日夜睌,去洗手間發現內褲有水印,我又以為係沖完涼未抹乾個身體所以有水漬。 到重點嘅40週啦,我瞓完晏覺一起身個一下有種M時大笑啲血湧出嚟嘅感覺,我感覺唔對路了,就打比老公話想入院睇睇,佢返緊嚟途中,我即刻食嘢,沖個涼不過無落鹼液(唔好學我),我又發現有少少血我好肯定我真係一定要入醫院 冷靜咁搭的士去醫院,姑娘問咩事同依家幾多週,叫老公去做入院登記。我好驚比姑娘話我唔早啲入醫院,但我都好誠實講早兩日有啲感覺穿水,隨即有個男醫生用鴨嘴鉗幫我檢查話喺穿咗小小亦都摸到頭,由於我早二日已感受到穿水,醫生話要即人工穿水同催生再打抗生素,亦表明話一定要喺12個鐘頭內生到唔喺就要開刀,我聽完即通知老公同我媽媽。落催生藥落得好快,三個鐘後已經5分鐘痛一次,期間我不停嘔(我7週開始嘔到生),姑娘幫我打止痛針,感覺冇乜用要求笑氣,之後就一分鐘一次,7個鐘頭我先開到一度但已經痛到傻了,因為怕真喺要開刀,所以叫老公嚟先,我捉實佢後突然度數開得好快,3個鐘到就開晒可以生。push 咗二下bb就出嚟啦,40w1d 6.6lbs,無開會陰,只有輕微撕裂逢咗兩針,完全唔痛,瑪嘉烈醫院助產士好好人,成個過程都好順利,冇選擇錯產檢我都係揀佢哋嘅助產士計劃。如果有下一胎我都會選擇瑪嘉烈醫院同順產     女女 Instagram : haileywong0911 Email: emily1998118@gmail.com