副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

分享3次不同嘅生產經歷,第三篇下集記錄生妹妹時嘅先苦後甜經歷

!   佗妹妹嘅時候除咗我唔太增磅之外(由有咗至生重咗3kg),都無咩其他特別問題。   又到咗接近39週做最後一次產前檢查,姑娘聽妹妹心跳嘅時候,妹妹突然#心跳得#好快好快。休息2分鐘之後再度心跳,仍然屬於跳得比較快!為咗安全,姑娘寫紙俾我即時入院。   好彩嗰日產檢嫲嫲嚟咗屋企幫忙睇住BB二哥哥,而我即刻去接讀緊N班嘅大哥哥返屋企先。安頓好2個哥哥之後,跟住執好自己物品,打埋電話俾爸爸講聲情況,我就出發入院啦!   係醫院又再一次面對選擇直接開刀定催生。對於一心打算自然順產嘅我,又要再選擇催生(可能又食全餐)或者直接開刀,對我來說都簡直係惡夢。   因為我胎水不足令妹妹唔太安全,所以醫生要我2選1,唔可以等自然順產,一定要半日內答覆以便安排。   入院後妹妹心跳已回復正常,可以安心返好多。所以我亦用盡咗醫生俾嘅半日時間深入地同爸爸一齊考慮清楚決定。(我雖然心中一早已經有咗決定,但係仍然需要少少時間整理思緒。因為真係好驚再次催生失敗又食多次全餐。即使知道今次成功機會其實極高,但係我仍然覺得非常害怕催生失敗)   到最後,我當然仍選擇咗接受催生,由於回覆醫生時已經夜晚,所以安排第二日早上正式催生。   上午10:00,懷住有啲不安嘅心情又再次步入候產室接受催生程序。入到去如常做咗好多唔同嘅催生步驟,如吊藥、種豆(我有B鏈,所以3次都要打定藥)、接駁BB心跳機等等。 隨後有位醫生嚟咗準備人手穿水步驟,但係佢俾我嘅感覺好似唔多熟手,每個動作都唔多純熟咁。佢鈎咗第一次嗰下都已經幾痛,不過佢好似覺得有啲問題,於是佢表示要再做多次第二次非常痛。但係仍然有問題,佢再試多三、四次每次都#好好好好好#極之...........#痛!   試咗起碼6-7次之後,佢叫咗位姑娘入嚟我床位到,佢哋對話如下!   醫生:明明鈎咗咖?!點解無穿水咖呢?   姑娘:會唔會未鈎到呀?   醫生:明明鈎咗,摸到頭仔同頭髮咖啦!不過無穿水!   我心諗! 救命呀!原來已經摸到頭髪咖啦?!好恐怖呀!⋯⋯   姑娘:係?!我check check ⋯⋯   姑娘:係喎!真係摸到頭髮喎!但係又真係未穿到嘅?!我幫你再試試啦!   又被姑娘鈎咗5次以上,極度極度很很很很痛     姑娘:都唔得喎!咁你要call Dr. Xxx嚟至得啦。   醫生:吓?!咁好啦!   佢兩個對話完,就咁就行出咗我床位,而我痛到癲咗之後真係好攰!   隔咗一陣姑娘再返嚟話我知,轉頭有另一位醫生過嚟幫我處理。好快另一位醫生出現啦,估計因為已經被之前醫生鈎咗少少個肚無咁漲,呢位醫生叫咗2個姑娘好用力咁壓住我個肚俾佢鈎。又再一次#極度極度極度痛。但係,好彩總算一次完成。   之後,慢慢開始有啲陣痛。但係唔規律亦唔係好痛,中間唔痛嘅時間重可以瞓到一陣覺添。到咗下午2點半左右都係差唔多,姑娘再check 原來已經開到5度。跟住就慢慢開始真係覺得痛啦,隔咗1個鐘已經好痛好痛,姑娘再check佢已經話7度,要即刻去產房。   我一入到產房姑娘叫我忍一忍等埋爸爸入嚟至生,由候產室到產房#半個鐘妹妹已經出世啦!   今次好好彩遇到有經驗嘅助產士,佢哋好快手已經抱妹妹俾我,爸爸更可以留底陪埋我縫曬傷口跟埋出去。縫傷口成個過程由助產士處理曬,更一路同我哋傾計,感覺到佢替我地高興嘅心。縫針唔痛又快完成,爸爸更可以跟住我張一齊推去產後房。   今次真係覺得好好!去到產後房,更安排到窗口位更。   PS: 其實生完Adele 之後子宮收縮真係好痛,好似有嘢好大力好大力係肚入面扭咁!痛到個人扭埋似隻蝦!   #另有 (上集)#生大哥哥全餐編 「上2個post」 #同埋  (中集)#生二哥哥順產編 「上1個post」   請「Like 」 FB: www.facebook.com/threekids.gloria   「Follow 」 IG: www.instagram.com/threekids.gloria   . . . #全職媽媽#香港媽媽#順產#開刀#催生