副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

飛媽媽 - 高雄hea爆親子遊 - 超好玩民宿 - 蘑菇房

寫寫吓冇咗條尾, 上年10月尾ge米豬高雄之旅, 除咗每日外出活動之外, 媽媽我揀住宿地點時, 以 "就算落雨留响房都唔會ou到出菇"為搜索條件, 所以我地放棄各大酒店, 主供民宿, 仲要係溜滑梯民宿

寫寫吓冇咗條尾, 上年10月尾ge米豬高雄之旅, 除咗每日外出活動之外, 媽媽我揀住宿地點時, 以 "就算落雨留响房都唔會ou到出菇"為搜索條件, 所以我地放棄各大酒店, 主供民宿, 仲要係溜滑梯民宿~ 結果比我搵到呢間响距離捷運巨蛋站大約10分鐘腳程ge 歡樂巴士溜滑梯親子主題民宿 (Fun Bus)   老實講, 冇google map真係搵唔到, 但入到去你係完全唔想離開間房ga~~~   呢度係單楝民宿, 連埋地下有6層, 分別係4個主題ge房, 每層樓一間房~ 我地住3晚, 分別訓咗2間房, 地下有個黑板比大家畫吓公仔寫吓字~ 為保持館內清潔, 室外鞋係唔可以著上樓ga~~ 所以地下有個鞋櫃, 有埋拖鞋比你換咗先上房~ 每層住客都有自己0個格, 唔好放錯自己對鞋去人地度啊~  搭穿梭機lift出發上樓喇~~~   第一晚, 我地住响蘑菇房~ 門口已經好童話feel喇~~~   房內~ 一打開門就見到sir滑梯~!!!!!!! 閂埋門望返轉頭就咁樣 好充裕的泊車位置~ 車身挨住0個邊係浴室~   向前行入小小, 就會見到有樓梯上間蘑菇屋~  蘑菇屋下面係一間房仔  同埋電視~~ 電視後面就係滑梯喇~~~ 一間房有2條滑梯, 仲有2個單人床舖, 所以屋企有2個小朋友去都唔駛驚爭滑梯玩~!!   走入呢間只有小朋友身高咁高ge房仔, 米豬興奮到爆炸~!!!  因為可以跑來跑去匿埋玩pee ka boo! 上面0個層個蘑菇入面都有床舖ga~ 仲有勁多玩具,    一直行可以行返去大床床頭 米豬變咗森林小精靈咁, 係咁跑嚟跑去, 不停咁大笑~~ 又叫我地捉佢~ 開心到不得了~~   king size的大床~  大床隔離就係sir出大門0個條滑梯喇~~~   睇埋個浴室啦~ 大就梗ga la, 但駛唔駛比個泳池仔我咁誇張啊~~~~~ 仲提供埋小朋友沖涼ge玩具~~  而且連嬰兒洗護用品同兒童牙刷都提供埋~!!   同埋有個BB沖涼盤同矮櫈仔, 方便你同小朋友沖涼(唔記得咗影)   浴室另一邊就係小露台仔, 有張枱同2張櫈仔, 我地放晒D喼入去 成間房真係好似入咗童話世界d森林咁, 我地隻小精靈開心到癲咗~ 不停話唔出去, 唔去街, 要留响度, 仔呀~ 老練貢遠飛來你就比媽媽去玩吓啦~~~   0個陣都未分房訓, 11點幾同米豬沖完涼, 開奶熄燈夾佢訓啦, 點知死要螺落床, 自己開燈玩... 玩到點幾先斷電..............   下回介紹埋另一間房.......... do re mi fa totoro totoro~ 龍貓迷必BOOK!!   米豬高雄之旅 飛媽媽 - 米豬衝出香港 (心理準備編) 飛媽媽 - 兒童特區護照點申請? 飛媽媽 - 米豬行李帶D乜(同有咩帶咗冇用過) 飛媽媽 - 高雄hea爆親子遊day 1  飛媽媽 - 高雄hea爆親子遊day 2 - 哈瑪星小火車 飛媽媽 - 高雄hea爆親子遊day 3 - 壽山動物園+瑞豐夜市 飛媽媽 - 高雄hea爆親子遊 - 超好玩民宿 - 蘑菇房   loading........ 飛媽媽 - 高雄hea爆親子遊day 4 - 走人lu <-懶呀~ 唔寫喇 飛媽媽 - 高雄hea爆親子遊 - 超好玩民宿 - 龍貓房 飛媽媽 - 高雄hea爆親子遊 - 執書呀! <-懶呀~ 唔寫喇   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/