凍凍濕濕熱熱又濕濕, 總之好濕呀~!!! 大家一齊嚟整返個靚湯去濕健髀啦~     材料: 新鮮淮山 1條 紅蘿蔔 1個 合掌瓜 1個 乾螺頭 2個 日月魚 1份約10個圓型 豬展 1個(我呢個60蚊) 無花果乾 2粒   做法: 1. 螺頭同日月魚清洗後用熱水浸軟 (約4-5小時) 2. 豬展切件, 連薑蒜跑活水後洗淨備用 3. 紅蘿蔔去皮滾切, 合掌瓜刷乾淨表皮後切件 4. 戴手套!!戴手套!!戴手套!!戴手套!!戴手套!!戴手套!! 5. 戴手套後將新鮮淮山去皮, 切片, 避免汁液彈到皮膚 6. 湯煲預備約3公升水, 水滾後將全部材料掉晒落去中火煲15分鐘後轉小火煲2小時, 完成   有新湯飲好開心~ 你就開心得過, 我比淮山彈到手臂痕到想斬埋隻手落去煲呀!!!!!!!!!!!   煮食小貼士: 1. 千祈唔好徒手去掂新鮮淮山, 一定要戴手套!!戴手套!!戴手套!! 很重要所以說三次!! 2. 若然戴咗手套都好不幸地比淮山汁液彈到皮膚, 先用醋洗彈到ge地方, 再開爐離火烘一烘彈到ge位置, 咁就好快止痕 3. 紅蘿蔔揀D粗身D就甜ga na   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/